(13.3.1989, Şamaxı r-nunun Göylər k.) – Azərbaycan idmançısı. Sərbəst güləş üzrə gənclər arasında Avropa çempionatının bürünc mükafatçısıdır (2009).

Əd.: Azərbaycan Milli Ensiklopediyası, 3 cild, Bakı, 2011, s.560

(15.5.1928, Şamaxı r-nunun Sündü k. – 1.5.1991, həmin kənddə) – Sosialist Əməyi Qəhrəmanı (1948). Şamaxı rayonundakı təsərrüfatda baş baytar işləmişdir. 1948 ildə qoyunçuluq sahəsində yüksək əmək göstəricilərinə nail olmuşdur.

Əd.: Azərbaycan Milli Ensiklopediyası, 3 cild, Bakı, 2011, s. 106

Şamaxının şimal-qərbində Əngəxaran kəndinin yaxınlığında bulaq. Yerdən qay­naqlanıb çıxan gözəl sulu bu bulağın suyunu uzun müd­dət şəhərə gətirmək istəsələr də mümkün olmamışdır. Ona görə də onu boş, la­­zımsız, çarəsiz mənasını ifadə edən “bekara” və ya “beçarə” adlandır­mış­lar.

Əd.: K.Fərhadoğlu “Qədim Şirvan elinə səyahət”, Bakı, 2005

(15.3.1932, Şamaxı r-nunun Təklə k. – 3.6.2010, Bakı) – geoloq, geologiya-mineralogiya elmləri namizədi (1970). Azərbaycan Sənaye İnstitutunu bitirmişdir. Bir sıra elmi idarələrdə bölmə və laboratoriya rəhbəri, Azərgeofizika ETİ-nin aparıcı elmi işçisi olmuşdur. Tədqiqatları əsasən hidrogeologiya, regional geologiya, neftli-qazlı rayonların geoloji quruluşunun araşdırılmasına aiddir.

Xoraso düzənliyində və Şamaxı yaylasındakı kəndlərdə yayılmış ev tipi. Xırda ağac yarmaçalarından tikilirdi. Şirvanın digər ənənəvi ev tipləri kimi, düzbucaqlı planda inşa olunurdu. Evin dövrəsi boyunca basdırılmış dirəklərin hər iki üzünə 1 m uzunluğunda ağac yarmaçaları bənd edilir və onların arası xırda daş, kəsək, qıxmıq, torpaq və s. ilə doldurulurdu. Evlərin yastı damı tikilib qurtardıqdan sonra onun divarları hər iki tərəfdən palçıqla suvanırdı. Bu tip evlər tək otaqdan ibarət olurdu.

Əd.: A.Mustafayev “Şirvanın maddi mədəniyyəti”, Bakı, “Elm”, 1977, s.36

Mirzəbəy Binəva (?, Şamaxı ş. -?) – şair. Mənbələrdə ərəb və fars dillərini mükəmməl bildiyi qeyd olunmuşdur. Klassik üslubda şeirlər yazmışdır. Şeirlərinin az bir qismi məlumdur.

Əd.: S.Qəniyev “Beyt üs-səfa” ədəbi məclisi”. Bakı, “Elm və təhsil”, 2010, s.103

(3.7.1958, Şamaxı ş.) – jurnalist, filologiya üzrə fəlsəfə doktoru (2008), dosent (1996). Azərbaycan Dövlət Universitetini bitirmişdir. 1983 ildən həmin universitetin jurnalistika nəzəriyyəsi və təcrübəsi kafedrasında çalışır. Tədqiqat sahəsi – internet-jurnalistika, sosial jurnalistika, jurnalist etikası ilə bağlıdır. 25 elmi məqalənin, 7 metodik vəsaitin, tədris proqramlarının müəllifidir. Azərbaycan Milli Jurnalistika Konqresinin sədridir. Müxtəlif beynəlxalq seminar, simpozium və konfranslarda iştirak və çıxış etmişdir. Beynəlxalq jurnalistika müsabiqələrinin laureatı olmuşdur.

Məlumat Z. Babayevdən alınmışdır.

(1962, Şamaxı r-nunun Meysəri k. – 22.1.1994) – Qarabağ müharibəsi şəhidi.

Məlumat ailəsindən alınmışdır.

(? – ?) – 12 əsr ədəbiyyatşünası. “Elmi-ədəb”də elmin bu istiqamətinə başçılıq etmişdir. Xaqani Şirvaniyə şeir nəzəriyyəsini öyrətmişdir.

Əd:E.Mehrəliyev “Şirvan Elmlər Akademiyası”, Bakı, “Çaşıoğlu”, 2000, s.61

Ədәbi mәclis. 19 әsrin 60-cı illәrindә Şamaxıda şair Mәһәmmәd Sәfanın evindә yaradılmışdı; mәclisin adı da bununla әlaqәdardır (ər. beyt-ev + Sәfa). Seyid Әzim Şirvani, Mollağa Bixud, Ağababa Züһuri, Qafar Raqib, Әlәkbәr Qafil, Molla Maһmud Zuyi vә b. şairlәr mәclisin fәal üzvlәri idi. Mәclisә Seyid Әzim Şirvani vә Mollağa Bixud başçılıq edirdilәr. “Beyt üs-Səfa” Şuşadakı “Mәclisi-üns”, “Məclisi-fәramuşan”, Bakıdakı “Mәcmә üş-şüәra” ilә sıx әlaqә saxlayırdı. Mәclisdә әdәbiyyat, incəsənət, fəlsəfə məsələlərinə dair söһbәtlәr aparılır, klassiklәrin әsәrlәri mütaliә olunur, onların mәşһur şeirlərinə nəzirə yazılırdı. Məclis klassik şeirin yayılmasına yardım göstərsə də dövrün qabaqcıl ədəbi hərəkatından geri qalırdı.

Əd.: ASE, II cild, Bakı, 1978, s.73,

Azərbaycan Milli Ensiklopediyası, 3 cild, Bakı, 2011, s.536