Şamaxı r-nu ərazisində bulaq. Daban (dağın, qayanın aşağı hissəsi) və bulaq (su obyekti) komponentlərindən düzəlib, “dağın aşağı hissəsində qaynayan su” mənasındadır.
Əd.: “Azərbaycan toponimlərinin ensiklopedik lüğəti” II cild Bakı, “Şərq-Qərb”, 2007, s.146
Dәri aşılamaqla mәşğul olan peşә saһәsi. Dabbağlar һeyvanın dәrisini tәbii maddәlәrlә aşıladıqdan sonra müxtәlif (әsasәn qara, qırmızı, sarı) rәnglәrlә boyayır, çarıq gönü, meşin, safyan (keçi dәrisi) va s. adlanan dәrilәr һazırlayırdılar. Azәrbaycanda Bakı, Şamaxı, Laһıc, Gәncә, Naxçıvan vә s. yerlәrdә geniş yayılmışdı.
Əd.: ASE, III cild, Bakı, 1979, s. 295
(30.12.1915, Şamaxı qəz. Rəncbər k. – 2007, Bakı) – Azərbaycan kimyaçısı. Kimya elmləri doktoru (1959), professor (1963), Azərbaycan SSR EA müxbir üzvü (1980). Azərbaycan SSR əməkdar elm xadimi (1979). Azərbaycan EA Neft Kimyası Prosesləri İnstitutunda laboratoriya müdiri olmuşdur.
Şamaxı r-nunun Dağ Bağırlı kənd i.ə.d.-nin mərkəzi. Ləngəbiz silsiləsindəki Gəcənov yaylasında yerləşir. Əhalisi 1258 nəfər. Mənbələrin məlumatına görə, 1960 illərdə Bağırlı kəndindən bir neçə ailə Gəcənov yaylasındakı torpaq sahələrinə (Gümüşlü və Şəhərlər adlı yerlərə) köçərək Dağ Bağırlı kəndini bina etmişlər. “Bağırlı kəndinin dağlıq hissəsi və ya dağlıq ərazidə yerləşən Bağırlı kəndi” deməkdir.
Əd.: ”Azərbaycan toponimlərinin ensiklopedik lüğəti”. I cild. Bakı, “Şərq-Qərb”, 2007, s.74
N.Bəndəliyev “Dağlıq Şirvanın toponimləri”, Bakı, “Elm”, s.90
Azərbaycanın iqtisadi rayonlarından biri. 4 inzibati rayondan – Şamaxı, Qobustan, Ağsu və İsmayıllı inzibati rayonlarından ibarətdir. İqtisadi rayonda 4 şəhər, 4 rayon, 8 qəsəbə, 106 kənd inzibati ərazi dairəsi və 275 kənd yaşayış məntəqəsi vardır. Dağlıq Şirvan iqtisadi rayonunda 121 bələdiyyə fəaliyyət göstərir.
Orta әsrlәrdә bir sıra Yaxın Şәrq ölkәsindә isteһsal edilәn ipək parça; tafta tipli damalı parça növlәrinә daxil idi. Sarı, qırmızı vә s. rәnglәrdә olurdu. Darayıdan, әsasәn, qadın paltarları tikilir, fitә һazırlanırdı. Bəzi Şәrq ölkәlәrindә (İran, Türkiyә) Darayı parçadan һәrbi bayraq da һazırlanırdı. Azәrbaycanda darayı isteһsalının müһüm mәrkәzi Şamaxı, Tәbriz vә Әrdәbil idi; Gәncә vә Şәkidә dә inkişaf etmişdi. Azәrbaycandan Rusiyaya ixrac edilirdi.
Əd.: ASE, III cild, Bakı, 1979, s. 336
Öz forma və quruluşuna görə müxtəlif istiqamətli olur. Başqa qəbirlərdən fərqli olaraq bu qəbirlərin əksəriyyəti dağ üstündə və ya dağ döşündə yerləşir. Belə yerlər əsasən subasarlardan qorunmaq məqsədilə seçilirdi. Xınıslı yaşayış yerində tədqiq edilmiş daş qutu qəbirləri eramızın 4-7 əsrlərinə aid edilir
Əd.: “Şamaxı Tarix Diyarşünaslıq Muzeyi”, Bakı, 2009, s.44
(1955, Şamaxı r-nunun Sabirli k. – 2009, Bakı) – coğrafiyaçı, coğrafiya elmləri namizədi (1986), dosent (1998). Azərbaycan Dövlət Universitetini bitirmişdir. 1978 ildən Azərbaycan EA Coğrafiya İnstitutunda laborant, kiçik elmi işçi, elmi işçi, baş elmi içi vəzifələrində işləmişdir. Azərbaycanda landşaftın geokimyası, dinamikası, ekoloji təsnifatı, geoekologiya, dağlıq geosistemlərin optimallaşdırılması probleminə dair geniş tədqiqatlar aparmışdır. Həmin əsərlərdə landşaftların tipoloji təsnifatını işləmiş və xəritələrini tərtib etmişdir. 1998 ildən BDU-nun dosenti olmuşdur.
Əd.: Azərbaycanın coğrafiyaçı alimləri. Bakı, “Elm”, 2013, s. 106
Şamaxı r-nu ərazisində dağ. Yerli əhalinin dilində Daşdı variantında səslənir. Dağın adı onun ərazisinin daşlı olması ilə əlaqədardır.
Əd.: “Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s.153
Şamaxı r-nu ərazisində çay. Çay başlandığı yerin adı ilə adlandırılmışdır. Deyri-muğan (zərdüştilərin və atəşpərəstlərin ibadət yeri) sözünün qısaldılmış forması olduğunu ehtimal etmək olar. Ərəb sözü olan deyr “monastır, kilsə”, məcazi mənada “Şərab satılan yer” mənalarında da işlənir. Tədqiqatçılar bu sözü “məbəd yeri” kimi izah edirlər.
Əd.: “Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s.155
