Şamaxı r-nu Dədəgünəş kənd i.ə.d.-nin mərkəzi. Rayon mərkəzindən 12 km şimal-qərbdə, Şamaxı – Dəmirçi şose yolundan 6 km, Ağsu çayının sol sahilindan 3 km aralı, dağ ətəyindədir. Әhalisi 198 (2009) nəfərdir, 52 təsərrüfatı var. Doqquzillik məktəb, kitabxana, klub, kinoqurğu, tibb məntəq əsi, doğum evi var. Kənd adını oradakı Dədəgünəş pirinin adından almışdır.

Əd.: ”Azərbaycan toponimlərinin ensiklopedik lüğəti”, 1 cild, Bakı, “Şərq-Qərb”, 2007, s. 155-156

N.Bəndəliyev “Dağlıq Şirvanın toponimləri”, Bakı, “Elm”, s.119

Yerli əhali bu piri Piri-Sultan Dədəgünəş adlandırır. Dədəgünəş türbəsi 1602-03 illərdə tikilmişdir.

Məqbərədən tapılmış kitabəyə görə məqbərə Dədəgünəş nəslindən Şeyx Dədəqulunun oğlu Şeyx Məhəmmədə məxsus olmuşdur. Zəngin təbiəti və müalicə suları ilə məşhur olan Dədəgünəşdə rəvayətlərə görə orta əsrlərdə məşhur elm mərkəzlərindan biri yerləşmişdir. Mənbələrə görə, Dədəgünəş məşhur Azərbaycan şairi Əfzələddin Xaqaninin əmisinin ləqəbi olmuşdur.

Əd.: N.Bəndəliyev “Dağlıq Şirvanın toponimləri”, Bakı, “Elm”, s.119

Dəlilər adlı yaylaqdan başlanır. Pirsaat yayının sağ qollarından biridir. Çanut çayının sağ qollarından biri Dəlilər adlanır. Çayın öz adını Dəlilər adlı elin tarixən istifadə etdiyi yaylaq adından aldığı güman olunur.

Əd.: N.Bəndəliyev “Dağlıq Şirvanın toponimləri”, Bakı, “Elm”, 2009, s. 278

Pirsaat çayının sol qollarından biridir. Ərciman kəndinin yuxarısından Pirsaat çayına qovuşur. Nurum yalağından başlanır. Leysan yağışlar zamanı məsafəsi qısa olduğuna görə tez daşır. Bu xüsusiyyətinə görə Dəlidurmuş adlanması güman olunur.

Əd.: N.Bəndəliyev “Dağlıq Şirvanın toponimləri”, Bakı, “Elm”, 2009, s. 276

Şamaxı r-nunun Dəmirçi kənd i.ə.d.-nin mərkəzi. Rayon mərkəzindən 32 km şimalda, Şamaxı – Lahıc yolu kənarında, Pirsaat çayının sağ sahilində, Baş Qafqaz silsiləsinin ətəyindədir. Әhalisi 582 (2009) nəfərdir, 102 təsərrüfatı var. Tam orta məktəb, klub, kitaxana, tibb məntəqəsi, doğum evi; orta əsrlərə aid qədim qəbiristan var. Dəmirçi palçıq vulkanı kənddən 2,5 km cənub-şərqdədir.

Şamaxı r-nu ərazisində palçıq vulkanı. Dəmirçi kəndindən 2.5 km. cənub-şərqində yerləşir. Ərazisində yerləşdiyi kəndin adını daşıyır.

Əd.: ”Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s.159

an

Şamaxı r-nu ərazisində çay. Pirsaat çayının qollarından biridir. Dəmirçi kəndinin yaxınlığından axdığı üçün belə adlandırılmışdır.

Əd.: “Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s.159

Adnalı kəndinin torpaq sahəsində, Alpout dağının şərq tərəfındə dağ. İkinci Dəmirli dağ Udulu kəndindən şərq tərəfdə Xoşaməddin silsiləsindədir. Hər iki dağa dəmirli adının verilməsi əraziyə ekspedisiyalar zamanı dağların dəmir rənginə çalmasının müşahidə edilməsi ilə bağlıdır.

Əd.: N.Bəndəliyev “Dağlıq Şirvanın toponimləri”, Bakı, “Elm”, 2009, s.181

(1940, Şamaxı r-nunun Cəmcəmli k. – 1998, Bakı) – coğrafiyaçı, coğrafiya elmləri namizədi (1972), dosent (1984). Azərbaycan Dövlət Universitetini bitirmişdir. 1959 ildən Azərbaycan EA Coğrafiya İnstitutunun kartoqrafiya şöbəsində baş laborant, kiçik elmi işçi, baş elmi işçi, şöbə müdiri vəzifələrində işləmişdir. 1984 ildən Bakı Dövlət Universitetində çalışmışdır. 50-dən çox elmi-kütləvi əsərin və “Azərbaycan respublikasında şəhərlərin inkişafının coğrafi məsələləri” adlı monoqrafiyanın müəllifidir.

Əd.: Azərbaycanın coğrafiyaçı alimləri. Bakı,”Elm”, 2013, s. 108

Mirzə Nəsrulla Qurbanbəyovun təxəllüsü, (?, Şamaxı – 1870, Şamaxı) – Azərbaycan şairi. Təbrizdə ruhani təhsili almışdır. Ərəb, fars, rus və erməni dillərini öyrənmiş, uzun müddət mirzəlik etmişdir. Həyatının son illərində Şamaxıda məktəb açmışdır. İctimai məzmunlu şeirləri, vəsfiyyə, qəsidə və mənzum hekayələri var (“Bahariyyə”, “Pul”, “Vəsiyyət”, “Təlayə dəyər”, “Nə etibar”, “Pişvaçilərdən nümunələr” və s.). Şeirləri bədii sənətkarlığı ilə seçilir.

Əd.: ASE, III cild, Bakı, 1979, s. 443