Məlikov Məhəmmədbəy (1872, Şamaxı – 1918) – Azərbaycan aktyoru. Səhnə fəaliyyətinə 1890 illərdə Bakıda başlamışdır. Sonralar, əsasən, “Nicat” cəmiyyəti nəzdindəki teatr truppasında çıxış etmişdir. Rolları: Heydər bəy (“Hacı Qara”, M. F. Axundov), Әşrəf bəy, Rüstəm bəy (“Yağışdan çıxdıq, yağmura düşdük”, “Müsibəti-Fəxrəddin”, N. B. Vəzirov), şah Təhmasib (“Nadir şah”, N. Nərimanov), Murtuzaqulu xan (“Ağa Məhəmməd şah Qacar”, Ә. B. Haqverdiyev), Qəhtan (“Dəmirçi Gavə”, Ş. Sami), Osip (“Müfəttiş”, N. Qoqol), Yaqo (“Otello”, V. Şekspir), təbib (“Zorən təbib”, J. Molyer) və b. Әlvəndinin yaratdığı obrazlar həyatiliyi, bədii dolğunluğu ilə fərqlənirdi.

(28.11.1892, Şamaxı – 15.2.1956, Bakı) – hərbi xadim, general-mayor (1944). Tiflis hərbi məktəbini bitirmişdir (1914). Hərbi xidmətə rus ordusunda başlamış, Birinci dünya müharibəsində (1914-18) Şamaxı polku tərkibində rota və batalyon komandiri olmuş, alman cəbhəsində döyüşlərdə iştirak etmişdir. Azərbaycan Xalq Cümhuriyyəti ordusu yaradılmağa başlayanda onun sıralarına qoşulmuş, əvvəlcə piyada alayında xidmət etmiş, sonra isə Bakı şəhəri və onun rayonlarının hərbi rəisi təyin edilmişdir. Bu vəzifədə o, Bakı şəhəri və onun ətraf rayonlarının əhalisi arasında hərbi çağırış işinin təşkilinə başçılıq etmişdir. Azərbaycan Xalq Cümhuriyyətinin hərbi naziri Səməd bəy Mehmandarovun təşəbbüsü ilə təsis edilmiş yeddi hərbi rəislikdən biri olan həmin vəzifənin yaradılmasında məqsəd də hərbi çağırış və səfərbərlik işində mövcud nöqsanları aradan qaldırmaq, bu sahədə yol verilən əyintilərin qarşısını almaq idi. Cümhuriyyətin süqutuna qədər Bakı və onun rayonlarının hərbi rəisi vəzifəsini icra edərkən T.Əlyarbəyov podpolkovnik rütbəsində idi.

(? – 1186, Şamaxı ş.) – 12 əsr ictimai xadimi və ordu başçısı. III Mənuçöhr öldükdən sonra, onun oğullarından I Axsitanın hakimiyyət başına gəlməsi üçün hamıdan artıq çalışmışdır. Öz dövrünün ən güclü və sözükeçən bahadırlarından idi. Şirvanın şimal sərhədlərində gedən vuruşmalarda həlak olmuşdur.

(1925, Cənubi Azərbaycanın Ərdəbil ş. Yaxınlığındakı Nünəkəran k.) – Sosialist Əməyi Qəhrəmanı (1951). Şamaxıda V.İ.Lenin adına sovxozda fəhlə, briqadir (1946-59) işləmişdir. Bakı Ali Partiya Məktəbini bitirdikdən sonra (1965) həmin sovxozda təsərrüfat işləri üzrə direktor müavini vəzfəsində çalışmışdır. 1950 ildə üzümçülük sahəsində yüksək əmək göstəricilərinə nail olmuşdur.

Şamaxı r-nu Məlhəm i.ə.d.-də kənd. Rayon mərkəzindən 3,5 km şimalda, Şamaxı-Dəmirçi şosse yolu kənarında, Baş Qafqaz silsiləsinin cənub-qərb ətəyindədir. Әhalisi 856 (2009) nəfərdir, 196 təsərrüfatı var. Doqquzillik məktəb, kitabxana var. Əngəxaran kəndinin ərazisində orta əsrlərə aid yaşayış yeri və qəbiristanlıq mövcuddur.

Şamaxı r-nunun Əngəxaran kəndi ərazisində dağ. Hün. 1380 m. Dağın adı yerləşdiyi kəndin adından götürülmüşdür.

Şamaxı r-nununda min. bulaq. Köhnə Əngəxaran kəndinin xarabalığı yaxınlığında yerləşir. Suyu soyuq və kükürdlü olub, iki bulaqdan ibarətdir. Bulağın yerləşdiyi kəndin adından yaranmışdır.

Ləngəbiz silsiləsindən başlanaraq Şirvan düzünə doğru uzanan kiçik çay dərəsi. Çay dərəsi yaxınlığında Ovçulu kəndi yerləşir. Şirvan düzü hissəsində bu Əpçi qobu da adlanır. Əpçi çayı haqqındakı bir məlumatda yağıntılı vaxtlarda dərədən axan suyun acı olması ilə əlaqədar çay adının “Həbçi” kimi adlanmasını qeyd edənlər də vardır. Bu da həb-dərman mənasındadır.

Şamaxı r-nu Ərçiman kənd i.ə.d.-nin mərkəzi. Rayon mərkəzindən 30 km aralıda, Pirsaat çayının sahilində, Baş Qafqaz silsiləsinin ətəyində, dəniz səviyyəsindən 1500-1550 m hündürlükdə yerləşir. Əhalisi 585 nəfərdir (2009), 139 təsərrüfatı var. Kənddə feldşer-mama məntəqəsi, klub və kitabxana fəaliyyət göstərir.

(2.10.1979, Ağsu r-nun Çaparlı k.) – tarixçi, tarix üzrə fəlsəfə doktoru (2008). Bakı Dövlət Universitetini bitirmişdir. Azərbaycan MEA Arxeologiya və Etnoqrafiya İnstitutunun tarixi etnoqrafiya şöbəsində çalışır (2002). Hazırda həmin institutun böyük elmi işçisidir. 1 monoqrafiyası, bir sıra məqalə və tezisləri nəşr olunmuşdur.