All posts by rashad

Azərbaycan Respublikasında, əsasən, Ağsu, Kürdəmir və Şamaxı rayonları ərazisində çay. Uz. 89 km, hövzəsinin sahəsi 572 km². Niyaldağ silsiləsində Sarıbulaq dağından (2110 m) başlanır, kanalla Kür çayına axıdılır.

Azərbaycan Respublikasının Ağsu və Şamaxı rayonları arasında, Ləngəbiz silsiləsində aşırım. Hün. 250-840 metrədəkdir.

İlk orta əsr abidəsi. Şamaxı r-on mərkəzindən 25 km aralıda, Saxsılı taxta yaşayış yerinin şərqində yerləşir. Sahəsi təqribən 15 hektara yaxındır. Abidənin şərq tərəfində Taxtalar adlanan əkin sahəsi, şimalda Qızılca dağlarının otlaq sahələri, qərbində Əpci dərəsi, cənubunda isə Pirəbağdad adlı orta əsr türbəsi yerləşir. Əpci çayı abidənin ərazisindən keçir. Pirəbağdad türbəsinin yaxınlığında “Təpə dibi” adlı hündür bir yer vardır. Bu təpənin uçmuş hissəsinin kəsiyindən ilk orta əsrlərə aid saxsı məmulatı aşkar olunmuşdur.

İlk orta əsr abidəsi. Şamaxı ş. 15 km cənubda yerləşir. Qırlıq dağının şimal ətəyində yerləşən bu abidə 5-6 hektar sahəni əhatə edir. Yaşayış yeri cənubdan Qırlıq dağı, şərqdən Alakol dərəsi, şimal və şimal-qərbdən İrəvan dərəsi ilə sərhədlənir. İrəvan dərəsinin sağ tərəfində Möhrətəpə adlı yerdə çiy kərpicdən tikilmiş bürcün qalığı vardır. Dairəvi formada hörülmüş bürc gözətçi məntəqəsi rolunu oynamışdır.

(24.2.1921, Xızı – 20.12.2014, Bakı) – Azərbaycan rəssamı, Azərbaycan Respublikasının xalq rəssamı (1992). Bakı Rəssamlıq Texnikumunu və V.İ.Surikov adına Moskva Dövlət Rəssamlıq İnstitutunun qrafika şöbəsini bitirmişdir.

(31.12.1903, Bakı – 1986, Bakı) – Azərbaycan kinorejissoru, aktyor, ssenari müəllifi. Azərbaycanın əməkdar artisti (1943), Azərbaycanın əməkdar incəsənət xadimi (1959). Azərbaycan kinosunun ilk rejissorlarındandır. 1924 ildə fəaliyyətə başlamış, çoxlu sayda sənədli – xronika filmləri çəkmişdir.

(15.3.1932, Şamaxı r-nunun Təklə k. – 3.6.2010, Bakı) – geoloq, geologiya-mineralogiya elmləri namizədi (1970). Azərbaycan Sənaye İnstitutunu bitirmişdir. Bir sıra elmi idarələrdə bölmə və laboratoriya rəhbəri, Azərgeofizika ETİ-nin aparıcı elmi işçisi olmuşdur. Tədqiqatları əsasən hidrogeologiya, regional geologiya, neftli-qazlı rayonların geoloji quruluşunun araşdırılmasına aiddir.

Ət və xəmirdən hazırlanan xörək. Yağlı qoyun və ya mal əti soğanla birgə ətçəkən maşında çəkilib qovrulur, duz, istiot, darçın vurulur, xırda doğranmış axta zoğal və ya sumaq qatılır. Mayalı xəmir yoğrulur (1 kq una 1 yumurta, bir qədər süd və su). Xəmir gələndən sonra 12-14 kündə tutulur.

Şamaxı zonasında bişirilən şorba növü. Soğança qovrulduqdan sonra düyü və kartof hazır olanacan suda bişirilir və üzərinə çalınmış yumurta əlavə edilib qarışdırılır.

Əd.: “Azərbaycan kulinariyası”, Bakı, “Şərq-Qərb”, 2007, s.41

İlk orta əsr abidəsi. Şamaxı r-on mərkəzindən 25 km çənub-şərq tərəfdə, Şərgah qəbirstanlığının 2 km şimal şərqində yerləşir. Abidə dörd tərəfdən müasir Bağırlı və Ovçulu kəndləri ilə əhatələnmişdir. 5 hektara yaxın sahəyə malikdir. Yaşayış yeri zəngin təbii-coqrafi mövqeyi və mülayim iqlimi olan ərazidə yerləşməsi ilə səciyyələnir.