Şamaxı r-nun Quşçu kənd qəbirstanlığındadır. Türbənin içərisində 3 məzar var. Birinci məzar Ağaların, ikinci məzar Şeyx Ağanın, üçüncü məzar isə Şeyx Ağaxanın məzarıdır. Hər üç məzar ziyarətgahdır. Qəbiristanlıqdakı ikinci ziyarətgah isə bu nəslin davamçılarından olan Şeyx Ağacan babanın türbəsidir. Türbələr Şeyx Ağacan babanın övladı Hacı Əliəvəzin köməyi ilə 1993 ildə inşa edilmişdir.
(1925, Təbriz – 1997, Bakı) – Azərbaycan ədəbiyyatşünası, filologiya elmləri doktoru (1973), professor (1973). 1941-46 illərdə Cənubi Azərbaycanda baş verən siyasi proseslərin fəal iştirakçısıdır. Bakı Ali Partiya Məktəbini və Azərbaycan EA Nizami adına Ədəbiyyat İnstitutunun aspiranturasını bitirmişdir.
Qafur Ələkbər oğlu Mirzəzadə (6.5.1884, Şamaxı – 26.11.1943, Bakı) – maarif xadimi, naşir-mühərrir, publisist, tərcüməçi, coğrafiyaşünas. Şamaxıda mollaxanada (1890-94), şəhər məktəbində (1894-1901), Bakıda Ali Pedaqoji İnstitutda (1923-27) təhsil almışdır. Bakıda III Aleksandr kişi gimnaziyasındakı xüsusi komissiya qarşısında imtahan verib (1901) Azərbaycan dili müəllimi vəsiqəsi almışdır.
Qədim yaşayış yeri. Əngəxaran k. yaxınlığında, Yazdağ deyilən yerin qərbindədir. Hazırda həmin yerdə bəzi tikinti qalıqları qalmışdır. Divarının eni təqribən 1 m olan düzbucaqlı formada inşa olunmuş qala divarları qalıqları aydın görünür. Əngəxaran kənd sakinləri ev inşa edərkən həmin ərazidəki bina qalıqlarından yonulmuş daşları gətirib istifadə etmişlər.
İlk orta əsr abidəsi. Şamaxı r-on mərkəzindən 25 km aralıda, Saxsılı taxta yaşayış yerinin şərqində yerləşir. Sahəsi təqribən 15 hektara yaxındır. Abidənin şərq tərəfində Taxtalar adlanan əkin sahəsi, şimalda Qızılca dağlarının otlaq sahələri, qərbində Əpci dərəsi, cənubunda isə Pirəbağdad adlı orta əsr türbəsi yerləşir. Əpci çayı abidənin ərazisindən keçir. Pirəbağdad türbəsinin yaxınlığında “Təpə dibi” adlı hündür bir yer vardır. Bu təpənin uçmuş hissəsinin kəsiyindən ilk orta əsrlərə aid saxsı məmulatı aşkar olunmuşdur.
Şamaxı r-nu Qaleybuğurd i.ə.d.-də kənd. Qala çayının (Ağsu çaynın qolu) sahilində, dağətəyi ərazidədir. Əhalisi 143 nəfərdir (2009), 36 təsərrüfatı var. İlkin əhalisi qonşu Qaleybuğurd və başqa kəndlərdən gələrək qazmalar şəklində məskunlaşarmış və sonralar kənd yaşayış məskəni kimi formalaşmışdır. Qaladərəsi kəndi yerləşdiyi ərazinin relyefinə uyğun Qaleybuğurd qalasına yaxın çay dərəsində yerləşdiyinə görə Qaladərəsi adlandırılmışdır.
Şamaxı r-nu ərazisində Haramı silsiləsinin şimal hissəsində zəif fəaliyyətdə olan böyük palçıq vulkanı. Adı qala və mal (bir çox qədim xalqların toponimiyasında dağlıq ərazilərin adlandırılmasında işlədilən coğrafı termin) komponentlərindən düzəlib, “qala olan yüksəklik” mənasındadır.
Mis qabların pas atmaması üçün qalaylanması ilə əlaqədar peşə sahәsi. Qalayçılar paxırlanmış mis qabları kürәdә qızdırdıqdan sonra naşatır tozu (ammonium- xlorid) ilə sürtüb üstündәn qalay çәkirdilər. Qalayçılıq xüsusilә Dağıstanda, hәmçinin Azərbaycanda (Bakı, Quba, Şәki, Gəncə, Naxçıvan, Şamaxı və Lahıcda) geniş yayılmışdı. Azərbaycanın bəzi şәhәr və rayonlarında indi də qalayçı emalatxanaları var.
Şamaxı r-nu Qaleybuğurd i.ə.d.-nin mərkəzi. Rayon mərkəzindən 20 km şimal-qərbdə, Ağsu çayının sağ sahilində, Niyaldağ silsiləsinin ətəyindədir. Әhalisi 801 (2009) nəfərdir, 192 təsərrüfatı var. Tam orta məktəb, kitabxana, klub, tibb məntəqəsi var. Yaxınlığındakı qədim Buğurt (Qalaye-Buğurd) qalasının adını daşıyır. Yazılı mənbələrdə adı ilk dəfə 13 əsrdən məlumdur. Qalanın özü isə arxeoloji qazıntılara görə, 11 əsrdən mövcuddur. Buğurd qalasını 1538 ildə Səfəvi hökmdarı I Təhmasib dağıtmışdır.
Şamaxı r-nunun Qalaybuğurt kəndi yaxınlığında mineral bulaq. 1200 m. yüksəklikdədir. Yerli əhali bu bulaqdan müalicə məqsədilə istifadə edir. Bulaq öz adını yaxınlıqdakı Qalaybuğurt kəndinin adından almışdır.
