(20.12.1923, Şamaxı r-nunun Məlikçobanlı k. – 5.5.2001, Bakı) – jurnalist, filologiya elmləri namizədi, Azərbaycan Respublikasının əməkdar jurnalisti. Azərbaycan Dövlət Universitetini bitirmişdir. “Gənclik” nəşriyyatında, Azərbaycan Radio Verilişləri Komitəsində, respublika və şəhər qəzetlərinin redaksiyalarında çalışmışdır. Jurnalistika sahəsində fəaliyyətinin ən məhsuldar dövrü 1958 ildən nəşr olunmağa başlayan “Bakı” və “Baku” axşam qəzetlərində şöbə müdiri vəzifəsində çalışdığı dövrə düşür. “Axşamsadə” təxəllüsü ilə felyetonlar yazmışdır. “Bakı” və “Baku”qəzetlərinin nəşri dayandırıldıqdan sonra “Ülfət”, “Mozalan”, “Günay” qəzetləri ilə əməkdaşlıq etmiş, “Arı” satirik jurnalının baş redaktoru, Azərbaycan Satira və Yumor Cəmiyyətinin sədri olmuşdur. Bir povestin, bir neçə şeir, hekayə, felyetonr kitabının müəllifidir.
Məlumat Ş.Abdullayevin ailəsindən alınmışdır.