(? – ?) – 14 əsr Azərbaycan şairi. Şirvanşah Kavusun dəvəti ilə Şirvana köçmüş, saray şairi olmuşdur. Ədəbi irsindən qalan farsca “Fərhadnamə” (1369) poemasının əlyazma nüsxəsi İstanbulda Ayasofiya muzeyi kitabxanasındadır. Nizami ənənələrinin davam və inkişaf etdirilməsi baxımından “Fərhadnamə”nin əhəmiyyəti böyükdür.

Kərbəlayi Allahi Arif, (1786-1866), Azərbaycan şairi. Həyatı haqqında məlumat azdır. Şirvan hakimi Mustafa xanın (1792-1820) sarayında yaşamış, sonralar ondan inciyərək, İrəvan xanı Hüseyn xanın sarayına getmişdir.

Abbas Musaxan oğlu (1954, Şamaxı r-nunun Şıxzərlı k.) – el aşığı. Atası Musaxan öz dövrünün məşhur sənətkarlarından olmuşdur. Ustad balabançı kimi Şirvanın bir çox ustad aşıqları-Aşıq Abbas, Aşıq Xanmusa, Aşıq Məmmədağa və başqalarını müşayiət etmişdir.

Abbas Ağabala oğlu Söhbətov (1908, Şamaxı r-nunun Cəyirli k. – 1966, Şamaxı ş.) – Azərbaycan aşığı. Aşıqlıq sənətinin sirrini əvvəllər öz həmkəndlisi Aşıq Fərəcdən, sonra isə Şirvan aşıqlarının atası hesab olunmuş Aşıq Mirzə Bilaldan almışdır.

İsrafilov Ağamurad Balamurad oğlu (14.6.1964, Şamaxı r-nunun, Mərzəndiyyə k.) – Azərbaycan aşığı, Azərbaycan Respublikasının əməkdar mədəniyyət işçisi (2011). Şirvan aşıq məktəbinin tanınmış nümayəndələrindəndir.

Mikayılov Bilal Mustafa oğlu (1872, Şamaxı qəz. Qəşəd k. – 1942) – Azərbaycan aşığı. Molla Veyisdən dərs almış, Şamaxıda Seyid Əzim Şirvaninin məktəbində oxumuşdur. Aşıqlıq sənətinin sirlərini əngəxaranlı Aşıq İbrahimdən öyrənmişdir.

Hacıyev Hacalı (1935, Şamaxı r-nunun Quşçu k. – 10.3.1983, yenə orada) – Azərbaycan aşığı. Aşıqlıq sənətinin sirlərini Aşıq Söhbətdən öyrənmişdir. Şaqraq və məlahətli səsi, xoş avazı ilə diqqəti cəlb etmişdir.

Quliyev İbrahim Qulu oğlu (1860, Şamaxı r-nunun Əngəxaran k. – 1914, Əngəxaran k.) – Azərbaycan aşığı, Şirvan aşıq məktəbinin tanınmış nümayəndələrindən biri. Aşıqlığın sirrlərini dayısından öyrənmişdir.

Niftəliyev Mahmud Ələsgər oğıu (1947, Şamaxı r-nunun Şıxzərlı k. – 2002, yenə orada) – el aşığı. Bakı Dövlət Universitetini bitirmiş, uzun illər orta məktədə riyaziyyat müəllimi işləmişdir. Bir müddət Aşıq Şərbətin ansamblında müğənni kimi çıxış etmişdir.

Babayev Məmmədağa Ağaxan oğlu (1933, Şamaxı r-nunun Cəyirli k. – 22.11.1977, Şamaxı) – Azərbaycan aşığı, Şirvan aşıq məktəbinin tanınmış nümayəndələrindəndir. Azərbaycan Dövlət İncəsənət İnstitutunu bitirmişdir.