Niftəliyev Mahmud Ələsgər oğıu (1947, Şamaxı r-nunun Şıxzərlı k. – 2002, yenə orada) – el aşığı. Bakı Dövlət Universitetini bitirmiş, uzun illər orta məktədə riyaziyyat müəllimi işləmişdir. Bir müddət Aşıq Şərbətin ansamblında müğənni kimi çıxış etmişdir. 1969 ildən başlayaraq isə müstəqil aşıq kimi el məclislərində çıxış etmişdir. 1976 ildə gənc aşıqların müsabiqəsinin 1-ci dərəcəli diplomu ilə təltif olunmuş, növbəti illərdə isə qalibi olmuşdur. Azərbaycan aşıqlarının IV qurultayının iştirakçısıdır. Şeirləri müxtəlif qəzet və jurnallarda dərc olunmuşdur.
Məlumat Azərbaycan Aşıqlar Birliyinin Şirvan bölməsindən alınmışdır.