Şirvan əhalisinin ənənəvi geyimlərinə dair yazılı məlumat olduqca azdır. Vaxtilə Şirvanda olmuş xarici səyyahların ekzotik səciyyəli qeydlərində geyim tiplərinin (arxalıq, köynək, tuman, qurşaq, papaq, başmaq və s) adlarına və bəzi ipək parça növlərinə aid məlumata təsadüf olunur. Şirvanda natural və yarım natural təsərrüfat həyatının uzun müddət davam etməsi ənənəvi geyimlərə dərin təsir göstərmişdir.
(15.3.1897, Şamaxı – 5.12.1988, Bakı ) – Azərbaycan aktyoru. Azərbaycan SSR xalq artisti (1940). 1910-12 illərdə Bakıda H.Әrəblinskinin rəhbərlik etdiyi həvəskar dram dərnəyində, sonralar “Nicat” və “Səfa” cəmiyyətlərinin, Z. və Ü.Hacıbəyov qardaşlarının teatr truppalarında çıxış etmiş, burada Sadıq xan (“Ağa Məhəmməd şah Qacar”, Ә. B. Haqverdiyev), şah Təhmas (“Nadir şah”, N. Nərimanov), Rza bəy, Soltan bəy, Nofəl (“O olmasın, bu olsun”, “Arşın mal alan”, “Leyli və Məcnun”, Ü.Hacıbəyov) və s. rolları oynamışdır. 1921-33 illərdə Bakı Azad Tənqid-Təbliğ Teatrının (sonralar Bakı Türk İşçi Teatrı) və bir müddət Azərbaycan Dram Teatrının aktyoru olmuş, bir sıra yadda qalan səhnə obrazları yaratmışdır:
(29.6.1967, Bakı) – Azərbaycan psixiatrı, tibb elmləri doktoru (2007), professor (2012). Azərbaycan Tibb Universitetini bitirmişdir. Səhiyyə Nazirliyinin baş psixiatrı, psixi sağlamlıq üzrə milli koordinatoru və ATU-nun psixiatriya kafedrasının müdiri vəzifəsində çalışır (2007 ildən). 60-dan çox elmi əsərin, 1 tədris vəsaitinin, 2 tədris-metodik tövsiyənin, 3 metodik tövsiyənin, 4 tətbiq edilmə aktının və 1 səmərələşdirici təklifin müəllifidir.
(1975, Şamaxı r-nunun Qaleybuğurd k.) – iqtisadçı, iqtisad üzrə fəlsəfə doktoru (2012), dosent (2014). Azərbaycan Kooperasiya Universitetini bitirmişdir. 2001 ildən həmin universitetdə çalışır. Beynəlxalq və respublika səviyyəli elmi-praktik konfranslarda çıxış etmişdir. 20-dən çox elmi məqalə və tədris proqramının müəllifidir.
Məlumat V.Gərayevdən alınmışdır.
(? – ?) – Şirvanşah [1204-25], I Fərruxzadın oğlu, Kəsranilər sülaləsindən idi. Onun adından kəsilmiş bir neçə variantlı, lakin eyni məzmunlu aşağı əyarlı sikkə qalmışdır. Gerşasbin adını Kür və Araz çayları arasında yerləşən və Xəzər dənizinin sahillərinədək uzanan Güştəsbi (Güştəsfi) vilayətinin adı ilə bağlayırlar. Onun hakimiyyəti dövründə 13 əsrin 20-ci illərinədək şəhər həyatı, sənətkarlıq, ticarət və tikinti inkişaf etmişdir. Monqollar Azərbaycan və Şirvan ərazisində ilk dəfə peyda olmuş və Şamaxını talan etmişlər.
Şamaxı r-nu ərazisində, Ləngəbiz sıra dağlarının cənub-şərqində zirvədir. Dağ girdə formalı olduğuna görə belə adlandırılmışdır.
Əd.: “Azərbaycan toponimlərinin ensiklopedik lüğəti”, 1 cild, Bakı, “Şərq-Qərb”, 2007, s.202
Şamaxı r-nunun Göylər kənd i.ə.d.-nin mərkəzi. Rayon mərkəzindən 17 km cənubda, Ləngəbiz silsiləsinin şimal ətəyindədir. Әhalisi 6462 (2009) nəfərdir, 1860 təsərrüfatı var.
Şamaxı şəhərindən 16 km cənub – qərbdə, Göylər kəndi ərazisində yerləşən tarixi-memarlıq abidəsi. Məscid 12-13 əsrlərdə tikilmişdir. Üslub xüsusiyyətlərinə görə binanın tikilmə tarixi 12 əsrə aid edilir. Qədim qəbiristan, karvansara kompleksi və Pir Mərdəkan türbəsi məscidin ətrafında yerləşir.
(31.12.1909, Şamaxı ş.-30.5.1972, Bakı) – Azərbaycan coğrafiyaşünası, okeanoloq. Coğrafiya e.d. (1951), professor (1951), Azərbaycan SSR EA müxbir üzvü (1969). Leninqrad Su Mühəndisləri İnstitutunu bitirmişdir (1933).
(13.12.1954 – Şamaxı r-nunun, Məlikçobanlı k.) – torpaqşünas, kənd təsərrüfatı elmləri üzrə fəlsəfə doktoru (1984). Bakı Dövlət Universitetini bitirmişdir. Elmi-tədqiqat işlərinin əsas istiqamətləri respublikada yayılan əsas torpaq tiplərində hidrofiziki, istilik-fiziki və elektrik-fiziki xassələrinin təsiredici amillərdən asılılıqlarının laboratoriya və çöl şəraitində tədqiqindən ibarətdir. Azərbaycan Turizm və Menecment Universitetinin dosentidir. Ölkədə və xaricdə dərc olunmuş 115 məqalənin müəllifidir.
Məlumat Ç.Gülalıyevdən alınmışdır.
