(14.8.1957, Şamaxı r-nunun Nabur k.) – Azərbaycan müğənnisi, xanəndə, Azərbaycan Respublikasının xalq artisti (1993), professor (2010), Azərbaycan Dövlət mükafatı laureatı (2010). A.Zeynallı adına Bakı Musiqi Məktəbini və Azərbaycan Dövlət İncəsənət İnstitutunu bitirmişdir. Avropa, Amerika və Asiyada konsertlərlə çıxış edərək, Azərbaycan muğam sənətini tanıtmışdır. Səmərqənddə beynəlxalq festivalın birinci mükafatını qazanmış, YUNESKO-nun ABŞ-da keçirdiyi beynəlxalq festivalda birinci yeri tutmuşdur. 1999 ildə Beynəlxalq YUNESKO Musiqi Mükafatını almışdır. 1989 ildən Azərbaycan Dövlət Akademik Opera və Balet Teatrının solistidir. Məcnun (“Leyli və Məcnun”) və Aşıq Qərib (“Aşıq Qərib”) rollarının bənzərsiz ifaçısıdır. A.Zeynallı adına Azərbaycan Milli Konservatoriyasında çalışır. 2007 ildə “Şöhrət” ordeninə layiq görülmüşdür.

Əd.: “Энциклопедия азербайджанского мугама”, Баку, “Шарг- Гарб”, 2012, стр. 92