Şamaxı r-nu ərazisində, Pirsaat çayının sol qolları olan Bala dərə, Gendərə çaylarının başlandığı sahədir.Qaya Xəlil yaylağının zirvələri Böyük Qafqazın suayrıcını təşkil edir. Tarixən buradan yay otlağı kimi istifadə etmiş Şirvanda yaşayan Xəlilli tayfasının və ya Xəlil adli şəxsin adı ilə əlaqədar adlanmışdır ki, həm də qaya sözündə ərazinin relyef xüsusiyyəti öz əksini tapmışdır.
Qaravəlli kəndinin torpaq sahəsindədir, uzun dağın qərbində yerləşir. Bu dağda çoxlu qaraquş olması ilə əlaqədar dağ adı Qaraquş dağı adlanmışdır. Əslində qararuşlu dağ kimi adlandırılmalıdır.
Qonaqkənd kəndinin ərazisində, kəndin cənub-şərq tərəfindən Pirsaat çayının sol sahilində yerləşir. Quru sözü dağın iqliminin quru, bitki örtüyünün kasıb olmasını bildirir. Əslində 500-700 m-dən yüksəkdə yerləşən ərazilərdə quru sözü iştirak edən yerlər çöl və meşə-çöl zonasında özünəməxsus iqlimini, landşaft xüsusiyyətlərini əks etdirir. Həmin ərazi təbii qanunauyğunluqdan kənaraçıxma olaraq Quru dağ adlanmışdır.
Quba və Şamaxı rayonları sərhəddində, Sarıdaş yaylasının şimal-şərqində yerləşir ( hün. 1992 m.). Sarıdaş çayı bu dağın cənub yamacından baş götürür. Dağın adı rus dilində olan xəritələrdə Qalgiz kimi qeyd edilmişdir. Ad rus dilində yazıldığı kimi Azərbaycan dilində də Qalgiz yazılmışdır. Ekspedisyalar zamanı dağ adının Qalgiyz yox, Kəlhovuz olduğu müəyyən edilmişdir.
(18.3.1909, Şamaxı ş. – 25.12.1990, Bakı) – professor, Azərbaycanın əməkdar elm xadimi. 1937 ildən Azərbaycan Dövlət Pedaqoji İnstitutunun biologiya fakültəsində, 1938-49 illərdə SSRİ EA Azərbaycan filialının nəbatat bağında işləmiş, 1943-49 illərdə müdiri olmuşdur. 1946 ildən APİ-nin botanika kafedrasının dosenti və professoru, 1950-84 illərdə kafedra mudiri, 1951-54 illərdə APİ-nin rektoru, 1954-62 illərdə isə tədris işləri üzrə prorektoru vəzifəsində çalışmışdır.
Çigil çayı hövzəsində yerləşir. Əvvəllər Şamaxı qəz. Qırx təpə adlı yaylaq olmuşdur. Sonralar isə Qızmeydan kəndinə məxsus hesab edilən ərazidə qırx təpə olduğundan belə adlanmışdır. Burada həm relyefin müsbət təpə forması və həm də sayı (qırx) məkanın adında əks olunmuşdur. Qırx təpə mənşəyinə görə fəaliyyətdən qalmış palçıq vulkanı konuslarından ibarətdir.
(1925, Təbriz – 1997, Bakı) – Azərbaycan ədəbiyyatşünası, filologiya elmləri doktoru (1973), professor (1973). 1941-46 illərdə Cənubi Azərbaycanda baş verən siyasi proseslərin fəal iştirakçısıdır. Bakı Ali Partiya Məktəbini və Azərbaycan EA Nizami adına Ədəbiyyat İnstitutunun aspiranturasını bitirmişdir.
Qədim yaşayış yeri. Əngəxaran k. yaxınlığında, Yazdağ deyilən yerin qərbindədir. Hazırda həmin yerdə bəzi tikinti qalıqları qalmışdır. Divarının eni təqribən 1 m olan düzbucaqlı formada inşa olunmuş qala divarları qalıqları aydın görünür. Əngəxaran kənd sakinləri ev inşa edərkən həmin ərazidəki bina qalıqlarından yonulmuş daşları gətirib istifadə etmişlər.
(16.12.1946, Şamaxı ş. – 19.12.2019, Moskva ş.) – idman xadimi, Azərbaycan Respublikasının fəxri bədən tərbiyəsi və idman işçisi. Azərbaycan Dövlət Bədən Tərbiyəsi və İdman İnstitutunu bitirib. 1969 ildən müəllimlik fəaliyyətinə başlamış, 1976-2014 illərdə Şamaxı rayon Təhsil Şöbəsində metodist işləyib. Sərbəst güləş üzrə SSRİ birinciliklərinin, respublika, cəmiyyətlər arasında yarışların qalibi və mükafatçısı olub. Şamaxı Olimpiya Mərkəzində məşqçi işləyib.
(14.9.1960, Şamaxı ş.) -idmançı, Azərbaycan Respublikasının fəxri bədən tərbiyəsi və idman işçisi, SSRİ idman ustası. Azərbaycan Dövlət Bədən Tərbiyəsi İnstitutunu bitirmişdir. Dəfələrlə respublika yarışlarının qalibi və mükafatçısı olmuşdur. Hazırda Şamaxı rayon Təhsil Şöbəsinin bədən tərbiyəsi və hərbi hazırlıq üzrə metodistidir.
