(21.8.1930, Ağdaş r-nunun Üçqovaq k. – 15.3.2012, Bakı) – Azərbaycan ədəbiyyatşünası, Azərbaycan Milli Elmlər Akademiyasının həqiqi üzvü (1989), filologiya elmləri doktoru (1970), professor (1982), Azərbaycan SSR Dövlət mükafatı laureatı (1978). Azərbaycan SSR Əməkdar elm xadimi (1990). Əmək fəaliyyətinə müharibə illərində başlamışdır. Ağdaş radio şəbəkəsinin diktoru işləmişdir (1945-47).
(? – 1163, Bakı) – 11 əsrin sonu 12 əsrdə yaşamış təsəvvüf alimi. Şirvanda və Şirvanşahlar sarayında böyük nüfuz sahibi olmuşdur. Şirvanşahlar sarayında Xaqaniyə böyük qayğı göstərmişdi. Sonralar sufi təriqətinin yayılmasına görə Şamaxıdan Gəncəyə getmiş, orada Şeyxülislam olmuşdu. Həbsdən yayınmağa çalışan Xaqani yardım üçün Gəncəyə, onun yanına getmişdi. Müxaliflərin təzyiqi ilə işdən uzaqlaşdırılmış, Bakıya qayıtmış, elə oradaca vəfat etmişdi. Xaqani əsərlərində ondan məhəbbətlə bəhs etmişdir.
(təx. 1880/82, Şamaxı qəz., Nabur k. – ?) – şair. Kiçik yaşlarından söz qoşmağa həvəs göstərmişdir. Bir sıra şeirləri dövrümüzədək gəlib çatmışdır.
(2.2.1945, Bakı) – ictimai-siyasi xadim, texnika elmləri namizədi (1978). Azərbaycan Neft və Kimya İnstitutunu, M.Lomonosov adına Moskva Dövlət Universitetini bitirmişdir. Azərbaycan EA Kibernetika İnstitutunun direktor müavini, “Kibernetika” XKB-nin direktoru (1978-87), “Ulduz” Elm İstehsalat Birliyinin baş direktoru və “Rabitə Sistemləri” Elmi-Tədqiqat İnstitutunun direktoru (1987-95) olmuşdur. Azərbaycan Respublikası iqtisadiyyat nazirinin birinci müavini (1995-96), Azərbaycan Respublikasının iqtisadiyyat naziri (1996-2001), Azərbaycan Respublikası Hesablama Palatasının sədri vəzifələrində çalışmışdır. 15 müəlliflik şəhadətnaməsinin sahibidir, 32 elmi əsəri nəşr olunmuşdur. SSRİ Nazirlər Sovetinin xüsusi mükafatı (1973), Rusiya Federasiyasının “Dostluq” ordeni (2005) ilə təltif edilmişdir.
Şamaxı r-nu ərazisində dağ və palçıq vulkanı. Bu söz yaxınlığdaki eyniadlı yaşayış məntəqəsinin adından yaranmışdır.
Şamaxı və Quba r-nları sərhədində dağ. Zarat Xeybəri kəndinin şərqindədir. Hün. 2310 m. Ədəbiyyatlarda Qaragilə, Nargilə kimi də qeyd olunan dağın adı yerli əhali arasında və həmin r-nların torpaq xəritələrində Nərəgələ formasında da işlənir. Güman etmək olar ki, dağın adı bitki adı ilə ya da dəvəçiliklə bağlı yaranmışdır.
İsmayılov Nəcəfqulu Əbdülrəhim oğlu (1923, Bakı – 1990, Bakı) – Azərbaycan rəssamı, qrafik, əməkdar incəsənət xadimi (1963). Azərbaycan Dövlət Rəssamlıq Texnikumunu bitirmişdir. Məişət və tarixi mövzularda əsərlərin, eləcə də tanınmış şəxslərin portretlərinin müəllifidir (“Qubalı Fətəli xan”, “Səməd Vurğun”, “Memar M.Useynov”, “Üzeyir Hacıbəyov” və s.). 1952-79 illərdə “Kirpi” jurnalı üçün karikaturalar və yumoristik rəsmlər çəkmişdir.
(1.7.1957, Şamaxı ş.) – Azərbaycan riyaziyyatçısı, fizika-riyaziyyat elmləri doktoru (2008), professor (2013). Azərbaycan Dövlət Universitetinin mexanika-riyaziyyat fakültəsini bitirmişdir. Əsas tədqiqat sahəsi parametrli (Morri tipli) fəzalar ailəsinin qurulması və bu fəzalardan olan funksiyaların diferensial və diferensial-fərq xassələrinin araşdırılması ilə bağlıdır. Ölkədə və xaricdə dərc olunmuş 70 – dən artıq elmi əsərin və dərs vəsaitinin müəllifidir.
(1.5.1965, Şamaxı r-nunun, Şıxzərli k.) – Azərbaycan xanəndəsi, Azərbaycan Respublikasının xalq artisti (2011). A.Zeynallı adına Azərbaycan Dövlət Musiqi Texnikumunu və Azərbaycan Dövlət Mədəniyyət və İncəsənət Universitetini bitirmişdir. 2000 ildən Bakı Musiqi Kollecində müəllim işləyir. 2003 ildən Azərbaycan Milli Konservatoriyasının muğam şöbəsində müəllim kimi fəaliyyət göstərir. Xalq mahnılarının və muğamların mahir ifaçısı kimi dəfələrlə xarici ölkələrdə qastrol səfərlərində Azərbaycanı layiqincə təmsil etmişdir.
Әrəbqədim kəndində, Kicəki dağının döşündəki qədim qəbiristanlıqdadır. Qəbirin üstündəki türbə ötən əsrdə tikilmişdir. El arasında Sofu Novruz türbəsi kimi məşhurdur.
