Azərbaycanda Vətəndaş Cəmiyyətinin İnkişafına Yardım Assosiasiyasının həyata keçirdiyi layihə. Layihə çərçivəsində 2011-13 illərdə Şamaxıda bir beynəlxalq, Bakı və Şamaxıda iki elmi praktik konfrans keçirilmişdir.
14 mart 2011 il tarixdə AVCİYA-nın təşkilatçılığı ilə layihə çərçivəsində “Şamaxı soyqırımı (1918 il)” mövzusunda beynəlxalq elmi – praktik konfrans keçirilmişdir. Şamaxı rayonunda təşkil olunan konfransda Şamaxı rayonunun rəhbərliyi, ombudsman, millət vəkilləri, tanınmış elm və mədəniyyət xadimləri, ziyalılar, xarici jurnalistlər, eləcə də ekspert qismində Avropa Parlament Assambleyasının 12 üzvü iştirak etmiş, Şamaxı soyqırımı ilə bağlı müzakirələr aparılmışdır. Tədirdə Şamaxının millət vəkili E.Süleymanovun təşəbbüsü və dəstəyi ilə nəşr olunmuş M. Zülfüqarlının “Şamaxı soyqırımı -1918 il” adlı kitabı təqdim olunmuşdur.
11 mart 2012 il tarixdə Bakı şəhərində həmin layihə çərçivəsində “20 əsr erməni cinayətləri: 1918 il Şamaxı soyqırımı” mövzusunda elmi-praktik konfrans keçirilmişdir. Konfransda geniş ictimaiyyət nümayəndələri ilə yanaşı, xarici ölkə səfirliklərinin nümayəndələri də iştirak etmişdir.
2 aprel 2013 il tarixdə AVCİYA və Şamaxı rayon İcra Hakimiyyətinin birgə təşkilatçılığı ilə Şamaxı rayonunda “Azərbaycanlılara qarşı erməni vandalizmi: 1918 il Şamaxı soyqırımı” mövzusunda elmi-praktik konfrans keçirilmişdir. Tədbirdə təşkilatçı tərəfin nümayəndələri, alimlər çıxış edərək soyqırımın mahiyyəti ilə bağlı danışmışlar. Sonda konfrans iştirakçılarına AVCİYA-nın ermənilərin azərbaycanlılara qarşı törətdiyi soyqırımlarla bağlı hazırladığı kitablar və disklər paylanılmışdır.
Məlumat Azərbaycanda Vətəndaş Cəmiyyətinin İnkişafına Yardım Assosiasiyasından alınmışdır.