(?-1260) – Şirvanşah [1243 – 1260], III Fəribürzün oğlu, Kəsranilər sülaləsindən idi. Zəkəriyyə Qəzvini öz əsərində yazır: “Şirvan müstəqil vilayətdir. Onun hökmdarının adı Axsitandır. Şirvanın hakimi əzəmətli, güclü və qüdrətli hökmdar idi”. Lakin bu məlumatlar II Axsitanın hakimiyyətinin əvvəllərinə aiddir. Monqollara tam itaətkarlıq göstərməklə II Axsitan Şirvanı dağıntıdan xilas etmişdi. Sikkələrində təmtəraqlı titul və ləqəbləri göstərilən sələflərindən fərqli olaraq, II Axsitanın 13 əsrin birinci yarısında kəsilmiş bütün sikkələri Şirvanşahın monqol xanlarından vassal asılılığını göstərir. II Axsitan 1260 ildə Hülaku xanın əmri ilə öldürülmüşdür.
Əd.: S.Aşurbəyli “Şirvanşahlar dövləti”, Bakı, “Avrasiya Press”, 2006, s.184-188