Zahidov Xanış Xeyrulla oğlu (1932, Şamaxı r-nunun Nabur k.) – el aşığı. Babası, nənəsi, anası sinədəftər el şairi, əmisi Şirsoltan Zahidov isə öz dövrünün ən məhşur aşıqlarından biri olmuşdur. O, aşıq sənətinin sirlərini ilk dəfə əmisindən öyrənsə də, bir neçə il ustad Aşıq Abbasın yanında şagirdlik etmişdir. 10-dək dastanın, 400-dən artıq şeirin müəllifidir. Dövlət tədbirlərində yaxından iştirak etmiş, müxtəlif mükafatlara layiq görülmüşdür. Nabur kəndində yaratdığı “Sazçı qızlar” ansamblı Bakı şəhərində keçirilən müsabiqələrin iştirakçısı olmuşdur. “Sözüm-sazım, ömrüm mənim” şeirlər kitabı çap olunmuşdur.
Məlumat Azərbaycan Aşıqlar Birliyinin Şirvan bölməsindən alınmışdır.