1973 ildə çəkilmiş tammetrajlı Azərbaycan bədii filmi. Film əsrlərin zülməti içərisində günəş kimi parlayan böyük Azərbaycan şairi və mütəfəkkiri İmadəddin Nəsiminin mürəkkəb və faciəli taleyindən bəhs edir. Film aktyor Rasim Balayevin kinoda ilk işidir. Ssenari müəllifi – İsa Hüseynov, quruluşçu rejissor – Həsən Seyidbəyli, quruluşçu operator – Rasim İsmayəlov, quruluşçu rəssam – Məmməd Hüseynov, Mais Ağabəyov, bəstəkar – Tofiq Quliyev. Filmdə Rasim Balayev, İsmayıl Osmanlı, Səməndər Rzayev, Xalidə Quliyeva, Məmədrza Şeyxzamanov, Yusif Vəliyev, Əbdül Mahmudov və b. çəkilmişdir. Kinolentə 7-ci Ümumittifaq kinofestivalının “Tarixi mövzuda ən yaxşı filmə görə” mükafatı verilmişdir.
Məlumat http://azerikino.com/saytından götürülmüşdür.
