(15.7.1938, Qazax r-nunun Cəfərli k.) – Azərbaycan etnoqrafı, tarix elmləri doktoru (1993), professor. Qazax Pedaqoji Texnikumunu və Azərbaycan Dövlət Pedaqoji İnstitutunu bitirmişdir. Azərbaycan SSR Nazirlər Soveti yanında Baş Mətbuat İdarəsində (1961-63), Azərbaycan EA Tarix İnstitutunda kiçik elmi işçi, etnoqrafiya sektorunda elmi katib, baş elmi işçi (1968-79), BDU-nun tarix fakültəsi nəzdində Azərbaycanın Maddi-Mədəniyyət Tarixi ETL-in müdiri (1989-2001) vəzifəsində işləmişdir. 2001 ildən “Azərbaycanşünaslıq” ETM-in arxeoloji və etnoqrafik tdəqiqatlar bölməsinin müdiri vəzifəsində çalışır. 250-dən çox elmi əsərin, 9 monoqrafiyanın, “Şirvanın maddi mədəniyyəti” tarixi-etnoqrafik tədqiqatının müəllifidir.
Əd.: Bakı Dövlət Universitetinin professorları, “Bakı Universiteti” nəşriyyatı, 2014, s.324