(1851, Şamaxı – 1917, Şamaxı) – xanəndə, şair. Onun formalaşmasına Mahmud ağanın sarayında təşkil olunan muğam məclislərinin (bax: Şamaxı Muğam məclisləri) böyük təsiri olmuşdur. Onun ilk muğam müəllimi Kərbəlayı Əkbər Mahmud ağanın sarayında xanəndə idi. Gənc Məhəmmədhəsən dini mərasimlərdə iştirak etmiş, Kərbəlayı Əkbərdən muğam və təsnifləri dərindən öyrənmişdir. Onun istedadını dəyərləndirən Mahmud ağa onu öz sarayına dəvət etmişdir. O, burada püxtələşərək, dövrünün mahir xanəndələrindən biri kimi tanınmış, hətta muğam məclislərində Hacı Hüsü, Əbdülbaqi Zülalov kimi ustad xanəndələrlə yarışa girmişdi; muğamatı və poeziyanı dərindən bildiyinə və özü də şeirlər yazdığına görə onu “Mirzə” çağırırdılar.

(19 əsr, Cavad k. – 1914 ildən sonra, Şamaxı) – xanəndə. 19 əsrdə yaşayıb-yaratmış ilk azərbaycanlı peşəkar xanəndə qadın. O dövrdə qadınların çadrasız məclislərdə görünməsi yasaq olduğuna görə kişi paltarında çıxış etmişdir. 1890 illərdən Şamaxıda xanəndəlik etmiş, xanəndə Mirzə Məhəmmədhəsənin yaradıcılığından bəhrələnmiş, Şamaxı musiqi məclislərində iştirak etmişdir.

(? – ?) – Azərbaycan şairi. Əbülüladan sonra məliküşşüara olmuşdur. “Mühəzzəb” yüksək tərbiyəli, mədəni deməkdir.

(16.5.1936, Şamaxı ş.) – bioloq, biologiya elmləri namizədi (1968), dosent (1980). Azərbaycan Dövlət Universitetini bitirmişdir. Bir müddət Şamaxının Göylər kəndində müəllim işləmişdir. Daha sonra Bakıya qayıdaraq Azərbaycan EA Nəbatət İnstitutunda çalışmışdır. 1970 ildən taleyini Azərbaycan Dövlət Bədən Tərbiyəsi İnstitutuna bağlamışdır.

(30.8.1948, Litva SSR, Şaulyay ş.) – Azərbaycan pedaqoqu, pedaqoji elmlər doktoru (1996), professor (1997). Azərbaycan Dövlət Pedaqoji İnstitutunu bitirmişdir. 1986 ildən Bakı Dövlət Universitetində çalışır. 10 elmi-praktik konfransın, o cümlədən, 4 beynəlxalq elmi-praktik konfransın təşkilatçısı və rəhbəri olmuşdur. Rusiya, Türkiyə, Çin, Malayziyada keçirilən beynəlxalq konfranslarda çıxış etmişdir.

Əbülfəzl Bəxtiyar ibn Müxənnə ibn Əbdürrəhman (? – 1266, Şamaxı ş.) – filosof. Şirvan fəlsəfə məktəbinin davamçılarındandır. İslam fəlsəfəsinin mahiyyəti haqqında beş əsərin müəllifidir.

Məhəmməd ibn Əbubəkr (? – ?) – 13 əsr musiqişünası. Şəhabəddin Şirvanidən ərğənun (içərisində olan borulara körüklər vasitəsilə hava verilərək çalınan klavişli böyük musiqi aləti) çalmağı öyrənmişdir. 

(Məhəmməd ibn Əhməd ibn Saleh, ? – 1300, Şamaxı ş.) – hüquqşünas, fəlsəfə alimi. Sufi təriqətinin tərəfdarı idi. Bu barədə Səlahəddin Xəlil ibn Aybək Səfədi özünün “Əl-Vafi bi-l-vəfayət” adlı əsərində məlumat vermişdir.

Şamaxı r-nu Məlikçobanlı kənd i.ə.d.-nin mərkəzi. Zoğalava çayının sahilində, dağ ətəyindədir. Əhalisi 1882 nəfərdir (2009), 347 təsərrüfatı var. 19 əsr qaynaqlarının birində Bakı quberniyasının Şamaxı ərazisinin Qəbiristan sahəsində Məlik Cobanı köçü qeydə alınmışdır. Əvvəllər Göyçay qəzasında və Şamaxı qəzasında maldarlıqla məşğul olan məlik cobanı eli olmuşdur.

(23.5.1952) – riyaziyyatçı, riyaziyyat üzrə fəlsəfə doktoru (1988), dosent (1995). Bakı Dövlət Universitetini bitirmişdir. Azərbaycan Dövlət Universitetinin Hesablama Mərkəzində mühəndis, böyük mühəndis, baş elmi işçi, laboratoriya müdiri vəzifələrində işləmiş, həmin dövrdə tətbiqi riyaziyyat fakültəsində pedaqoji fəaliyyətlə də məşğul olmuşdur (1974-89).