(20.11.1904, Şamaxı r-nunun Mərəzə k. – 21.11.1957, Bakı) – neftçi, Sosialist Әməyi Qəhrəmanı (1957), SSRİ Dövlət mükafatı laureatı (1951). Әmək fəaliyyətinə 1920 ildə başlamışdır. 1925-57 illərdə Azərbaycan SSR neft sənayesində çalışmışdır. Kaveroçkin açıq dənizdə (Xəzərdə) dərin neft quyusu qazmağın pionerlərindən olmuş, 1949 ildə Neft Daşlarında ilk kəşfiyyat quyusunu qazımışdır. 1955-57 illərdə Azərbaycan SSR Ali Soveti sədrinin müavini seçilmişdir. 2 dəfə Lenin ordeni və medallarla təltif edilmişdir. Təbii fəlakət nəticəsində iş başında həlak olmuşdur.
Əd.: ASE, V cild, Bakı, 1981, s.201