(6.7.1950, Şamaxı r-nunun Çalov k.) – Azərbaycan fiziki, fizika-riyaziyyat elmləri doktoru (1990). Azərbaycan Dövlət Universitetinin fizika fakültəsini bitirmişdir. 1971-72 illərdə Kürdəmir rayonunda orta məktəbdə fizika müəllimi işləmişdir. 1973 ildə AMEA Fizika İnstitutunun aspiranturasına daxil olmuşdur.

(1939, Şamaxı r-nunun Ovçulu k.) – tarixçi, tarix üzrə fəlsəfə doktoru (1973), dosent. Azərbaycan Dövlət Universitetini bitirmişdir. Şamaxı rayonunun Bağırlı kənd orta məktəbində dərs hissə müdiri, Xankəndi Pedaqoji İnstititutunda baş müəllim, dosent, kafedra müdiri vəzifələrində işləmişdir.

(3.9.1967, Şamaxı r-nunun Ovçulu k.) – psixoloq, psixologiya üzrə fəlsəfə doktoru (1998), dosent (2011). Azərbaycan Rus dili və Ədəbiyyatı institutunu bitirmişdir, ADPU-nun psixologiya kafedrasında çalışmışdır. Bakı Qızlar Universitetinin psixologiya kafedrasının müdiri olmuşdur.

(22.3.1930, Şamaxı r-nunun Göylər k. – 14.8.2003, Bakı) – coğrafiyaşünas, coğrafiya elmləri namizədi (1964), professor (1989). Azərbaycan Pedaqoji İnstitutunu bitirmişdir. Göylər kənd məktəbində (1952-54), Bakı Dövlət Universitetinin iqtisadi coğrafiya və coğrafiyanın tədrisi metodikası kafedrasında işləmişdir.

Məmmədov Alxan Bayram oğlu (22.10.1954, Qazax r-nunun Birinci Şıxlı k.) – Azərbaycan filoloqu, jurnalist, filologiya elmləri doktoru (1998), professor (2007). Azərbaycan Dövlət Pedaqoji İnstitutunu bitirmişdir. Şamaxı rayonunun Çöl Göylər kənd məktəbində müəllim işləmişdir.

Abbas Musaxan oğlu (1954, Şamaxı r-nunun Şıxzərlı k.) – el aşığı. Atası Musaxan öz dövrünün məşhur sənətkarlarından olmuşdur. Ustad balabançı kimi Şirvanın bir çox ustad aşıqları-Aşıq Abbas, Aşıq Xanmusa, Aşıq Məmmədağa və başqalarını müşayiət etmişdir.

Abbas Ağabala oğlu Söhbətov (1908, Şamaxı r-nunun Cəyirli k. – 1966, Şamaxı ş.) – Azərbaycan aşığı. Aşıqlıq sənətinin sirrini əvvəllər öz həmkəndlisi Aşıq Fərəcdən, sonra isə Şirvan aşıqlarının atası hesab olunmuş Aşıq Mirzə Bilaldan almışdır.

İsrafilov Ağamurad Balamurad oğlu (14.6.1964, Şamaxı r-nunun, Mərzəndiyyə k.) – Azərbaycan aşığı, Azərbaycan Respublikasının əməkdar mədəniyyət işçisi (2011). Şirvan aşıq məktəbinin tanınmış nümayəndələrindəndir.

Mikayılov Bilal Mustafa oğlu (1872, Şamaxı qəz. Qəşəd k. – 1942) – Azərbaycan aşığı. Molla Veyisdən dərs almış, Şamaxıda Seyid Əzim Şirvaninin məktəbində oxumuşdur. Aşıqlıq sənətinin sirlərini əngəxaranlı Aşıq İbrahimdən öyrənmişdir.

Hacıyev Hacalı (1935, Şamaxı r-nunun Quşçu k. – 10.3.1983, yenə orada) – Azərbaycan aşığı. Aşıqlıq sənətinin sirlərini Aşıq Söhbətdən öyrənmişdir. Şaqraq və məlahətli səsi, xoş avazı ilə diqqəti cəlb etmişdir.