(1820, Şamaxı ş – 1890, Şamaxı ş.) – balaban ifaçısı. İlk təhsilini mollaxanada almışdır. 9-10 yaşlarında bu sənətə maraq göstərmişdir. 15 yaşında atıq mükəmməl balaban ifaçısı idi.
Xüsusən dəmkeşlərə məxsus fasiləsiz ifa üsulunu mənimsədiyindən, balaban və zurna ifaçılığında böyük uğurlar qazanmış və mahalda ustad balaban ifaçısı kimi tanınmişdır. Mahmud ağanın ən sevimli musiqiçisi olmuşdur.
(15.6.1980, Şamaxı ş.) – tarixçi-pedaqoq, pedoqoji elmlər üzrə fəlsəfə doktoru (2009). Azərbaycan Dövlət Pedaqoji Universitetini bitirmişdir. 2008 ildən ADPU-nun tarix fakültəsinin həmkarlar ittifaqının sədri, fakültə Elmi Şurasının elmi katibidir.
(15.7.1938, Qazax r-nunun Cəfərli k.) – Azərbaycan etnoqrafı, tarix elmləri doktoru (1993), professor. Qazax Pedaqoji Texnikumunu və Azərbaycan Dövlət Pedaqoji İnstitutunu bitirmişdir.
(19.5.1960, Şamaxı ş.) – Azərbaycan psixoloqu, psixologiya üzrə fəlsəfə doktoru. M.V.Lomonosov adına Moskva Dövlət Universitetini bitirmişdir. BDU-nun psixologiya kafedrasının dosentidir.
(1911, Şamaxı ş. – 1970 – Bakı) – litologiya sahəsində Azərbaycan alimi, geologiya-mineralogiya elmləri doktoru (1961), professor (1962). Azərbaycan Sənaye İnstitutunu bitirmişdir. Bibiheybət NMİ-də geoloq, Qarabağ rayon Partiya Komitəsinin katibi vəzifələrində çalışmış, Azərbaycan EA Geologiya İnstitutunda və Azərbaycan Sənaye İnstitutunda işləmişdir.
(1924, Şamaxı r-nunun Məlikçobanlı k. – 1992, Bakı ) – Azərbaycan filosofu, fəlsəfə elmləri doktoru, professor. Azərbaycan Dövlət Universitetini bitirmişdir. 20 əsrin əvvəllərində Azərbaycanda islam ideologiyasına dair tədqiqatın müəllifidir.
(16.10.1926, Türkmənistan Respublikası, Cərco ş. – 10.4.2008, Bakı) – Azərbaycan bəstəkarı, Azərbaycanın əməkdar incəsənət xadimi (1973), Azərbaycan Respublikasının xalq artisti (1987), professor (2001). Azərbaycan Dövlət Konservatoriyasını bitirmişdir. Azərbaycan Bəstəkarlar İttifaqının katibi (1968-73) olmuşdur.
(12.11.1921, Türkmənistan Respublikası, Cərco ş. – 18.5.1994, Bakı) – Azərbaycan boyakarı, Azərbaycan xalq rəssamı. Azərbaycan Dövlət Rəssamlıq Texnikumunu bitirmişdir. Tematik tablolar və portretlər yaratmışdır (“Leyli və Məcnun məktəbdə”, 1941, “Şairə Məhsətinin portreti”, 1947, “Professor Ü.Musabəyovanın portreti”, 1957, “Paris. Rəssamlar meydanı”, 1961).
(30.8.1948, Litva SSR, Şaulyay ş.) – Azərbaycan pedaqoqu, pedaqoji elmlər doktoru (1996), professor (1997). Azərbaycan Dövlət Pedaqoji İnstitutunu bitirmişdir. 1986 ildən Bakı Dövlət Universitetində çalışır. 10 elmi-praktik konfransın, o cümlədən, 4 beynəlxalq elmi-praktik konfransın təşkilatçısı və rəhbəri olmuşdur. Rusiya, Türkiyə, Çin, Malayziyada keçirilən beynəlxalq konfranslarda çıxış etmişdir.
(21.8.1930, Ağdaş r-nunun Üçqovaq k. – 15.3.2012, Bakı) – Azərbaycan ədəbiyyatşünası, Azərbaycan Milli Elmlər Akademiyasının həqiqi üzvü (1989), filologiya elmləri doktoru (1970), professor (1982), Azərbaycan SSR Dövlət mükafatı laureatı (1978). Azərbaycan SSR Əməkdar elm xadimi (1990). Əmək fəaliyyətinə müharibə illərində başlamışdır. Ağdaş radio şəbəkəsinin diktoru işləmişdir (1945-47).
