(23.8.1960, Bakı) – jurnalist, tədqiqatçı, filologiya üzrə fəlsəfə doktoru. Azərbaycan Dövlət İncəsənət İnstitutunu bitirmişdir. Azərbaycan Respublikasının Mədəniyyət Nazirliyində çalışmış, “İslam” qəzeti və “Qafqazinform” mərkəzi ilə əməkdaşlıq etmişdir. Qafqaz Müsəlmanları İdarəsinin mətbuat və informasiya xidmətində çalışmış, ümumi şöbənin müdiri olmuşdur. 2010 ildə Qafqaz Müsəlmanları İdarəsinin sədri, Şeyxülislam Allahşükür Paşazadənin qərarı ilə QMİ-nin ictimaiyyətlə əlaqələr və ailə problemləri üzrə sədr müavini vəzifəsinə təyin olunmuşdur.

(1840, Şamaxı – 14.12.1894, Tiflis) – Azərbaycan maarifçisi, pedaqoq-metodist. Әmək fəaliyyətinə kənd poçtunda (1857) başlamış, 1866 ildə Mərəzə kəndində ilk xalq məktəbi yaratmış, Qori seminariyası Azərbaycan şöbəsinin ilk inspektoru (1879-1893) olmuşdur. K. D. Uşinskinin mütərəqqi pedaqoji ideyalarının Azərbaycanda ilk davamçılarından biri, Şərqdə səs (sövti) üsulu ilə yazılmış ilk “Vətən dili” (Azərbaycan dilində 1882; eyni adlı əsərin 2-ci hissəsini 1888 ildə S. Vəlibəyovla birlikdə) və “Rus dili” (1883) dərsliklərinin müəllifidir.

(29.1.1887, Şamaxı – 30.7.1965, Şamaxı r-nunun Çuxuryurd k.) – maarifçi, pedaqoq, metodist, publisist, yazıçı, şair. Şamaxı şəhər məktəbini bitirmişdir (1901). 1908 ildən pedaqoji fəaliyyətə başlamış, Şamaxı (1908-14) və Bakı (1914 ildən) məktəblərində müəllimlik etmişdir. Cəbrayılbəyli və Zülfüqar bəy Hacıbəyli Şamaxıda “Nicat” maarif cəmiyyətinin şöbəsini açmaq məqsədilə 1915 ilin yayında Üzeyir bəy Hacıbəylinin “Arşın mal alan” musiqili komediyasını tamaşaya qoymuşlar.

Əhmədov Cəfər Namiq Kamal oğlu (16.8.1950) Bakı – aktyor, Azərbaycan Respublikasının xalq artisti (2013). Azərbaycan Dövlət İncəsənət İnstitutunu bitirmişdir. 1972 ildən Azərbaycan Gənc Tamaşaçılar Teatrında aktyor işləyən Cəfər Əhmədov aşağıdakı rolları oynamışdır: Rəcəb (“Şirinbala bal yığır”, S.Qədirzadə), Elçi (“Bir parça Vətən”, F.Sadıq), Qasid (“Rüstəm və Söhrab”, İ.Coşqun), Aparıcı (“Şəhidlər”, B.Vahabzadə), Uçitel Həsənov (“Danabaş kəndinin məktəbi”, C.Məmmədquluzadə), Qaçay bəy (“Qonşu qonşu olsa, kor qız ərə gedər”, R.Əfəndiyev) və s.

(14.1.1929, Bakı – 4.8.2000, Bakı) – Azərbaycan folklorşünası, filologiya elmlər doktoru (1973). Əzizə Cəfərzadənin qardaşıdır. Azərbaycan Dövlət Pedaqoji İnstitutunu bitirmişdir. Şamaxı rayonunun müxtəlif məktəblərində müəllim və direktor vəzifəsində çalışmışdır.

(1883, Şamaxı – 1936, Bakı) – Azərbaycan müəllimi. İlk təhsilini evdə almışdır. Şamaxıda öz vəsaiti hesabına ikisinifli qız məktəbi (“Məktəbi-Şövqiyyə”, 1912-18) açaraq, burada dərs demişdir.

(14.6.1926, Bakı – 21.2.1999, Bakı) – Azərbaycan filoloqu, filologiya elmləri doktoru (1981), professor. Bakı Piyada Qoşunları Məktəbini və Azərbaycan Pedaqoji İnstitutunu bitirmişdir. İkinci Dünya müharibəsinin iştirakçısıdır.

(1922, Təbriz – 13.8.1987, Bakı) – Azərbaycan tarixçisi, arxeoloq, tarix elmləri doktoru (1983). Əsas tədqiqat sahəsi Şamaxı ilə əlaqədardır. Buğurt və Gülüstan qalaları, orta əsr Şamaxı şəhərləri ilə bağlı fundamental tədqiqatların, “Şamaxı (7-17 əsrlər)” monoqrafiyasının müəllifidir.

(23.3.1954, Bakı) – Azərbaycan tarixçisi, arxeoloq. Tarix üzrə fəlsəfə doktorudur (2007). Azərbaycan Dövlət Pedoqoji Universitetinin tarix fakültəsini bitirmişdir. Azərbaycan MEA Arxeologiya və Etnoqrafiya İnstitutunda çalışır. “Şamaxı” tarixi-etnoqrafik tədqiqatının və 40-a yaxın elmi məqalənin müəllifidir.

(30.12.1915, Şamaxı qəz. Rəncbər k. – 2007, Bakı) – Azərbaycan kimyaçısı. Kimya elmləri doktoru (1959), professor (1963), Azərbaycan SSR EA müxbir üzvü (1980). Azərbaycan SSR əməkdar elm xadimi (1979). Azərbaycan EA Neft Kimyası Prosesləri İnstitutunda laboratoriya müdiri olmuşdur.