Әxsitan, Aqsartan (? – təqr. 1196/97; başqa məlumata görə təqr. 1203/04) – Şirvanşah [təqr. 1160 – təqr. 1196/97; başqa məlumata görə təqr. 1149 – təqr. 1203/04], II Mənuçöhrün oğlu. Axsitanın hakimiyyəti zamanı Şirvan çox qüvvətlənmişdi. Tiğui monastırındakı (Gürcüstanda) kitabədə Axsitanın Dərbənddən Xalxala qədər Şirvan və Muğan ölkəsinin şahı olduğu qeyd edilir. 1191 ildə Qızıl Arslan Şirvana hücum edib Şamaxını tutdu; Axsitan müvəqqəti olaraq paytaxtı Bakıya köçürtdü. Onun dövründə üstündə “əl-məlik əl-müəzzam Axsitan bin Mənuçöhr” sözləri yazılmış sikkələr kəsilirdi. Xəzərdə güclü hərbi donanma saxlanılırdı. Şirvanda iqtisadi həyat yüksəlmiş, şəhərlər, sənətkarlıq, mədəniyyət və ədəbiyyat inkişaf etmişdi. Xaqani Axsitana qəsidə və mədhiyyələr həsr etmiş, Nizami “Leyli və Məcnun” poemasını onun sifarişi ilə yazmışdır.
Əd.: ASE, I cild, Bakı, 1976, s.494,
Azərbaycan Milli Ensiklopediyası, I cild, Bakı, 2009, s.213