Şamaxı r-nunun Göylər i.ə.d.-də kənd. Rayon mərkəzindən 25 km cənubdadır. Acıdərə çayının sahilində, Ləngəbiz silsiləsinin ətəyindədir. Әhalisi 15 (2008) nəfərdir.
19 əsrin 1886 il siyahıyaalınmasında Bakı quberniyası Şamaxı qəzasında Binəcik nahiyəsində Acıdərə adlı (7 ailə, 31 nəfar əhali) kənd qeydə alınmışdır. Acıdərə kəndini eyni adlı çayın sahilində əvvəllər poçt məntəqəsi olmuş yerdə Şeyx Əyyub baba və onun nəslinə mənsub olanlar bina etmişlər.
Acıdərə kənd qəbirstanlığı Acıdərə çayın sol tərəfində yerləşir. Şeyx Əyyub Şeyxliyə başladıqda zikir yeri kimi Acıdərə çölü seçilmişdir. Şeyx Əyyubun türbəsi buradadır. Acıdərə kəndinə yerl əhali Şeyxlər kəndi də deyirlər. Bu kəndin torpaq sahəsində Şeyx Əyyub baba türbəsi yerləşən böyük qəbirstanlıq, onun nəslindən olanların türbələri diqqəti cəlb edir.
Dərə boyu çılpaqlaşmış süxurların tərkibindən asılı olaraq (acı-duzlu) dərədən axan su acı dadlı olduğuna Acıdərə adlanmışdır.
Əd.: Azərbaycan Milli Ensiklopediyası, I cild, Bakı, 2009, s. 68
“Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s. 11
N.Bəndəliyev “Dağlıq Şirvanın toponimləri”, Bakı, “Elm”, s.27