(1845, Şamaxı ş. – 1910, Cavad k.) – şair. Mədrəsə, mollaxana təhsili alsa da ruhani olmamışdır. Ticarət, daha sonra isə xəttatlıq və məktəbdarlıqla məşğul idi və “Beyt üs-səfa” ədəbi məclisinin ən fəal üzvlərindən olmuşdur. Fars və Azərbaycan dillərində qəzəl, rübai, qəsidə, həmçinin, Füzuli və Seyid Əzim qəzəllərinə nəzirələr yazmışdır. S.Ə.Şirvani onun haqqında yazmışdır: “Təbi hər növ əşari-farsi vı ərəbi və türkidə qadir və imlavü inşada mahirdir. Əlhaq xətti-şikəstə, İmadə, nəsxü təliqdə Rəşid və Yaqutə bərabərdir”. “Dozd və qazi”, “Nəsihəti-Loğman” əsərləri Tiflisdə nəşr olunmuşdur.
Əd.: S.Qəniyev “Beyt üs-səfa” ədəbi məclisi”. Bakı, “Elm və təhsil”, 2010, s.42