(11.7.1927, Sabirabad ş.) – ictimai xadim, neft sənayesi təşkilatçısı, Azərbaycanın əməkdar mühəndisi. Əslən şamaxılıdır. Bakı Neft Texnikumunu və Azərbaycan Sənaye İnstitutunu bitirmişdir.Bakı Neft Emalı Zavodunun direktoru (1964-67), Azərbaycan SSR Neft Emalı Sənayesi nazirinin birinci müavini (1967-70), Azərbaycan SSR Neft Emalı Sənayesi naziri (1970-80) vəzifələrində çalışmışdır. Hazırda ARDNŞ “Ekol Mühəndislik Xidmətləri” QSC-nin baş direktorunun məsləhətçisidir. Oktyabr İnqilabı, Qırmızı Əmək Bayrağı, Şərəf Nişanı ordenləri ilə təltif edilmiş, 2 çağırış Azərbaycan SSR Ali Sovetinin deputatı seçilmişdir.
Əd.: Avropada və Asiyada neft-qaz təmayüllü ilk texniki ali təhsil müəssisəsi. Bakı, “Çaşıoğlu”, 2010, s.399