(1910, Şamaxı ş. – 9.8.1979, Bakı) – Azərbaycan yazıçısı, dosent. Nuxa Pedaqoji Texnikumunu və Bakı Ali Pedaqoji Məktəbini bitirmişdir. Azərkinoda bədii büronun üzvü (1930-32), Azərbaycan Baş Ədəbiyyat Müfəttişliyi İdarəsində siyasi redaktor (1932-34) işləmişdir. Ədəbi yaradıcılığa 30-cu illərin əvvəllərində başlamışdır.

Mətbuatda oçerk, hekayə, povest, roman və məqalələrini müntəzəm çap etdirmişdir. “Ədəbiyyat qəzeti“nə məsul katib təyin edilmiş, sonra Azərnəşrdə, Uşaqgəncnəşrdə bədii ədəbiyyat üzrə redaktor, eyni zamanda Azərbaycan Dövlət Universitetinin hazırlıq kursunda və 132 saylı Bakı şəhər məktəbində müəllim işləmiş, “Kommunist” qəzetinin ədəbiyyat və incəsənət şöbəsinin müdiri olmuşdur. Azərbaycan Dövlət Qiyabi İnstitutunda baş müəllim, “Təbliğatçı” jurnalında partiya şöbəsinin müdiri, Azərbaycan Dövlət Universitetində dekan vəzifəsində çalışmışdır. İkinci Dünya müharibəsinin iştirakçısıdır.

Əd.: “Ədəbiyyat qəzeti”, 12.8.2011