Azərbaycanda şəhər. Eyniadlı inzibati rayonun mərkəzidir. Bakıdan 118 km aralıdır. Kürdəmir dəmiryol stansiyasından (Bakı-Tbilisi dəmiryolu) 72 km şimal-şərqində, Bakı-Qazax avtomobil yolu kənarında, Baş Qafqaz silsiləsinin c.-ş. ətəklərindədir. Azərbaycanın ən qədim şəhərlərindən biridir. Əhalisi 36,8 min nəfər (2012). Yaşayış məntəqəsi haqqında antik dövr, ərəb, fars, türk, erməni, gürcü, həmçinin orta əsr Avropa müəllifləri məlumat verirlər.

Humanitar Kollec, Dövlət İqtisad-Sənaye Kolleci, Uşaq Gənclər Yaradıcılıq Mərkəzi, Ekoloji Tərbiyə və Təcrübəçilik Mərkəzi, Texniki Yaradıcılıq Mərkəzi, Şahmat Məktəbi, Uşaq Gənclər İdman Məktəbi, musiqi və ümumtəhsil məktəbləri, mərkəzi rayon xəstəxanası, vərəm və dəri-zöhrəvi dispanserlər, sanitar-epidemioloji stansiya, mədəniyyət sarayı, olimpiya kompleksi, tarix-diyarşünaslıq muzeyi, M.Ə.Sabirin ev- muzeyi və s. var.

Əd. ASE, X cild, Bakı, 1987, 457-458

Şamaxı rayon İcra Hakimiyyətinin rəsmi saytı (http://www.shamaxi-ih.gov.az)