(29.4.1810, Sankt-Peterburq – 30.1.1893, Şatelro, Fransa) – rus rəssamı, incəsənət tədqiqatçısı. Romada K.P.Bryullovdan dərs almışdır. Peterburq Rəssamlıq Akademiyasının prezidenti olmuşdur (1859-72). Qafqazda hərbi xidmətdə olarkən (1840-50) burada yaşayan xalqların məişətinə aid tablolar, həmçinin portret, mənzərə rəsmləri və batal səhnələri çəkmişdir. Müxtəlif illərdə Qafqazda səyahət edərkən rəssam dəfələrlə Azərbaycanda – Bakıda, Gəncədə, Şamaxıda və digər şəhərlərdə olmuşdur. Şamaxı ilə bağlı bir sıra rəsmlər çəkmişdir – “Şamaxı rəqqasələri”, “Şamaxılı sazəndə” və s. Rəssam həmçinin Şamaxıda zəngin bir evin interyerinin təsvirini vermişdir. Məşhur “17 əsrdə Şamaxıda ictimai hamamın interyeri” əsərində rəssam hamamın gözəlliyini və dekorativ zinətlərini göstərmişdir. “Şamaxı dağıntıları”, “Minarənin dağıntıları”, “Xan sarayının daxili həyəti” əsərlərində isə memarlıq abidələrimizin özünəməxsusluğunu hiss edə və çatdıra bilmişdir.

Əd.: ASE, II cild, Bakı, 1978, s. 547