(22.2.1922, Şamaxı ş. – 12.7.1991, Bakı) – ictimai-siyasi xadim. Azərbaycan Dövlət Universitetini bitirmişdir. İkinci Dünya müharibəsində iştirak etmişdir. 30 ilədək müddət ərzində dövlət təhlükəsizliyi orqanlarında çalışmış, sıravi əməkdaşdan Azərbaycan DTK-nın daxili təhqiqat idarəsinin rəisi vəzifəsinədək uzun yol keçmişdir. 1971 ildən Azərbaycan KP Əzizbəyov rayon komitəsinin birinci katibi vəzifəsində işləmişdir. 5 çağırış Azərbaycan SSR Ali Sovetinin deputatı seçilmişdir. SSRİ-nin fəxri çekisti adına layiq görülmüş, Oktyabr İnqilabı, Qırmızı Əmək Bayrağı, Şərəf Nişanı ordenləri və 20 medalla təltif edilmişdir. Fəxri Xiyabanda dəfn olunmuşdur.

Məlumat C.Nəcəfov tərəfindən təqdim olunmuşdur.