(9.1.1971, Şamaxı r-nunun Göydərə k.) –riyaziyyatçı, riyaziyyat üzrə elmlər doktoru (2016), Azərbaycan Milli Elmlər Akademiyasının professoru (2017). Bakı Dövlət Universitetinin mexanika-riyaziyyat fakültəsini fərqlənmə diplomu ilə bitirmişdir(1994).

Əsas tədqiqat sahəsi qeyri-hamar əmsallı, yüksək tərtibli hiperbolik tip diferensial tənliklər üçün qeyri-klassik sərhəd məsələlərinın tədqiqi və onların optimal idarəetmə nəzəriyyəsinə tətbiqi ilə bağlıdır. Ölkədə və xaricdə dərc olunmuş 200-dən artıq elmi əsərin müəllifidir. Azərbaycan MEA-nın İdarəetmə Sistemləri İnstitutunda laboratoriya rəhbəri vəzifəsində çalışır. O, müxtəlif illərdə ABŞ-da dərc olunan tətbiqi riyaziyyata aid yeddi Beynəlxalq elmi jurnalın redaksiya heyətinin üzvü olmuşdur.

Məlumat İ. Məmmədovdan alınmışdır.