Xovsuz xalça növü. Görünüşcə hörüyü, yaxud sünbülü xatırladan “qayıq” adlı texniki üsulla toxunur. İlk istehsal mәrkәzi Şirvan (Şamaxı) zonası olan Sumax sonralar Azәrbaycanın digәr yerlərində, elәcә də İran və Dağıstanda yayılmışdır. Sumaxların arasahə kompozisiyası böyük ölçülü medalyonlar (çoxbuçaqlı, düzbucaqlı, rombşəkilli), stilizə edilmiş nәbati motivlər, bəzən də heyvan və quş tәsvirləri ilə bəzədilir.

(24.4.1968, Şamaxı r-nunun Həmyəli k.) – folklorşünas, filologiya üzrə fəlsəfə doktoru, 29 Mayıs Universitetinin (İstanbul, Türkiyə) professoru (2015). Bakı Dövlət Universitetini bitirmişdir. Azərbaycan Respublikası Tələbə-Gənclər İttifaqı Bakı Komitəsinin sədri (1993-94), “Anadolu Haber Acansı”nda (1995-98), “Lider Media”da (1998-2003) redaktor vəzifəsində çalışmışdır.

(28.8.1965, Ukrayna Respublikası, Kiyev ş.) – Azərbaycan sənətşünası, sənətşünaslıq üzrə elmlər doktoru (2002), professor. Azərbaycan Dövlət İncəsənət İnstitutunu bitirmişdir. 1987 ildən Azərbaycan MEA Memarlıq və İncəsənət İnstitutunda çalışır. İnstitutun elmi işlər üzrə direktor müavini vəzifəsini icra etmişdir (1996-2010), 2010 ildən isə direktorudur.

(7.3.1908, Bakı – 1997, Bakı) – Azərbaycan boyakarı, Azərbaycanın xalq rəssamı (1982), Azərbaycan Respublikasının əməkdar incəsənət xadimi (1940), Nasir adına Beynəlxalq mükafat laureatı (1974).

(? – ?) – Şirvanşah [1502 – 1502], Qazibəyin oğlu, Dərbəndilər sülaləsindən idi. Məhəmməd Qazi bəy 1502 ilin birinci yarısında öldürüldükdən sonra Şirvanşahlar taxtını onun oğlu, mənbələrdə “yalançı və qan içən müstəbid” adlandırılan Sultan Mahmud ibn Qazi bəy tutdu. Münəccimbaşının məlumatına görə, onun hakimiyyəti cəmi bir neçə gün – Şirvan əhalisi üsyan qaldıraraq Gilana, onun əmisi Şeyx İbrahimə (Şeyxşaha) sifariş göndərərək, onu Şirvana qayıdıb, Şirvanşahlar taxtına sahib durmağa dəvət edənədək çəkdi.

Şamaxı r-nu ərazisində çay. Yaz aylarında tez-tez sel hadisəsi baş verdiyindən ətrafı sel suları basdığına görə çay belə adlandırılmışdır.

Əd.: “Azərbaycan toponimlərinin ensiklopedik lüğəti”, II cild, Bakı, “Şərq-Qərb”, 2007 , s. 180

Şamaxı r-nu ərazisində dağ. Sündürdağ variantında da işlənir. Cəngi çayından sağdadır. Hün. 676 m. Sunqurdağ sözünün təhrif olunmuş variantıdır. Türk dillərindəki sunqur (quş adı) sözündən əmələ gəlmişdir. Türk dillərində bu söz həmçinin şonqur formasında işlənir və şunqar quş adını əks etdirir. O/u səs əvəzlənmələri isə türk dilləri üçün səciyyəvidir.

Əd.: “Azərbaycan toponimlərinin ensiklopedik lüğəti” II cild, Bakı, “Şərq-Qərb”, 2007 , s. 202

Şamaxı r-nu ərazisində dağ. Şamaxı şəhərinin cənub-qərbindədir. Şərqdən (Xəzər dənizi səmtindən) əsən küləklərin qarşısını aldığı üçün dağ belə adlandırılmışdır və beləliklə adında onun coğrafi mövqeyi əks olunmuşdur.

Əd.: “Azərbaycan toponimlərinin ensiklopedik lüğəti”Bakı, II cild, “Şərq-Qərb”, 2007 , s. 196

Şamaxı r-nu ərazisində çay. Mənbəyini Sisdağdan alaraq Sis kəndinin ərazisindən axdığı üçün çay belə adlandırılmışdır.

Əd.: “Azərbaycan toponimlərinin ensiklopedik lüğəti”, II cild, Bakı, “Şərq-Qərb”, 2007 s. 191

Şamaxı r-nunun ərazisində düzənlik. Pirsaat çayının orta axınından soldadır. Düzənlik hər tərəfdən dağlarla səbətəbənzər formada əhatə olunduğundan belə adlandırılmışdır.

Əd.: “Azərbaycan toponimlərinin ensiklopedik lüğəti”, II cild, Bakı, “Şərq-Qərb”, 2007, s. 182