(11.10.1943, Bakı) – tibb elmləri namizədi (1972). Azərbaycan Dövlət Tibb İnstitutunu bitirmişdir. Azərbaycan Həkimləri Təkmilləşdirmə İnstitutunun terapiya kafedrasında klinik ordinator, aspirant və assistent kimi çalışmışdır. 1977 ildən Elmi Tədqiqat Tibbi Bərpa İnstitutunda böyük elmi işçi, funksional diaqnostika şöbəsinin müdiri, institutun direktoru vəzifələrində çalışmışdır.
(10.10.1948, Şamaxı) – ictimai xadim. Azərbaycan Neft və Kimya İnstitutunu bitirmişdir. 1971 ildən komsomol işində çalışmış, Azərbaycan komsomolunun Mərkəzi Komitəsində təlimatçı işləmişdir. Azərbaycan SSR Ali Sovetinin Rəyasət Heyətində baş məsləhətçi, şöbə müdirinin müavini, Ali Sovet sədrinin katibliyinin rəhbəri, sədrin müşaviri vəzifələrində çalışmışdır. Bir sıra qanun layihələrinin hazırlanmasında iştirak etmişdir. Hazırda Azərbaycan Marketinq Assosiasiyasının prezidentidir.
(22.2.1922, Şamaxı ş. – 12.7.1991, Bakı) – ictimai-siyasi xadim. Azərbaycan Dövlət Universitetini bitirmişdir. İkinci Dünya müharibəsində iştirak etmişdir. 30 ilədək müddət ərzində dövlət təhlükəsizliyi orqanlarında çalışmış, sıravi əməkdaşdan Azərbaycan DTK-nın daxili təhqiqat idarəsinin rəisi vəzifəsinədək uzun yol keçmişdir. 1971 ildən Azərbaycan KP Əzizbəyov rayon komitəsinin birinci katibi vəzifəsində işləmişdir.
Ərçiman kəndinin şimal-şərqində dərə. Dərə Uğuz yurdundan başlayaraq Pirsaat çayının sol qolunadək uzanır. Vaxtı ilə neft əlamətləri müşahidə edilmişdir.
Göylər kəndinin cənub-qərbində təpə. Burada vaxtı ilə neft çıxıntılarının olması söylənilir. Təpənin forması isə palçıq vulkanı konusunu xatırladır. Burada vaxtilə neft təzahürləri müşahidə edilmişdir. Buna Nöyüt təpəsi coğrafi adı şahidlik edir.
(20.1.1947, Yardımlı) – ədəbiyyatçı, filologiya elmləri doktoru (1992), professor (1993). Azərbaycan Dövlət Pedaqoji İnstitutunu bitirmişdir. 1993 ildən Azərbaycan Dövlət Pedaqoji Universitetinin dünya ədəbiyyatı tarixi kafedrasının müdiridir. Bir çox elmi əsərlərin, dərslik və monoqrafiyaların, o cümlədən “Sabir irsinin tədqiqi və təbliği”, “M.Ə.Sabir ədəbi məktəbi”, “Sabir və davamçıları”, “Müasir şeirimizdə Sabir ənənələri” kitablarının müəllifidir.
(6.4.1957, Şamaxı ş.) – müəllim, Azərbaycan Respublikasının fəxri bədən tərbiyəsi və idman işçisi, SSRİ idman ustası. Bakı Bədən Tərbiyəsi Texnikumunu bitirmişdir. Respublika səviyyəli müxtəlif turnirlərin qalibi və mükafatçısı olmuşdur. Hazırda 6 saylı tam orta məktəbin idman rəhbəridir.
1973 ildə çəkilmiş tammetrajlı Azərbaycan bədii filmi. Film əsrlərin zülməti içərisində günəş kimi parlayan böyük Azərbaycan şairi və mütəfəkkiri İmadəddin Nəsiminin mürəkkəb və faciəli taleyindən bəhs edir. Film aktyor Rasim Balayevin kinoda ilk işidir. Ssenari müəllifi – İsa Hüseynov, quruluşçu rejissor – Həsən Seyidbəyli, quruluşçu operator – Rasim İsmayəlov, quruluşçu rəssam – Məmməd Hüseynov, Mais Ağabəyov, bəstəkar – Tofiq Quliyev. Filmdə Rasim Balayev, İsmayıl Osmanlı, Səməndər Rzayev, Xalidə Quliyeva, Məmədrza Şeyxzamanov, Yusif Vəliyev, Əbdül Mahmudov və b. çəkilmişdir. Kinolentə 7-ci Ümumittifaq kinofestivalının “Tarixi mövzuda ən yaxşı filmə görə” mükafatı verilmişdir.
(25.10.1920, Bakı. – 26.4.1978, Bakı.) – dövlət xadimi. 1944 ildə Azərbaycan Sənaye İnstitutunu bitirmişdir. 1946 ildə Bakı Elektromexanika Zavodunun direktoru, 1960 ildə Respublika Xalq Təsərrüfatı Şurasının elektromexanika idarəsinin rəisi təyin olunmuşdur. Bakı Şəhər Partiya Komitəsinin 1-ci katibi, 1966-69 illərdə Dövlət Plan Komitəsinin sədr müavini, 1969-75 illərdə Rabitə naziri, 1975 ildə Yüngül Sənaye naziri vəzifələrində çalışmışdır. Dəfələrlə SSRİ Ali Sovetinin və Azərbaycan Ali SSR Sovetinin deputatı seçilmişdir.
(13.1.1926, Şamaxı ş.) – pedaqoq, şair, ictimai xadim. Azərbaycan Dövlət Universitetini bitirmişdir. Ağsu rayonunun Gədəli kəndində, Bakının Kürdəxanı və Maştağa qəsəbələrində müəllim, Azərbaycan KP MK-da təlimatçı, Şəki Şəhər Partiya Komitəsinin 2-ci katibi, Azərbaycan SSR Ali və Orta İxtisas Təhsili nazirinin müavini vəzifələrində çalışmışdır. Bir sıra şeir kitablarının müəllifidir. 1988 ildən təqaüdçüdür. Xalqlar dostluğu və Şərəf nişanı ordenləri ilə təltif edilmişdir.
