(? – ?) – Şirvanşah [1225 – 1243], I Gerşasbin oğlu, Kəsranilər sülaləsindən idi. I Gerşasb taxtdan salınandan sonra Şirvanın hakimi olmuşdu. Hakimiyyəti dövründə Şirvana gürcülərin basqınları, Xarəzmşahın və monqolların hücumu kimi kədərli hadisələr baş vermişdi. Numizmatik məlumatlar təsdiq edir ki, ölkə monqollar tərəfindən işğal olunsa da, Şirvanşah onlardan tam asılı deyildi. Şirvanın epiqrafik abidələrində də Fəribürzün adı çəkilir.

Əd.: S.Aşurbəyli “Şirvanşahlar dövləti”, Bakı, “Avrasiya Press”, 2006, s.180-184