Şamaxı r-nu ərazisində, Pirsaat çayının yuxarı axınının sol tərəfində yerləşir. Yaylanın şimali-şərq hissəsi Əhmədli, Hacılı kəndlərinə məxsusdur. Cənub-şərq hissəsi isə Bağırsaq dərəsi isə hüdudlanır. Şəkərxanı yaylasının bir hissəsi Seyidlər yeri və Quru dağ adlanır. Yayla Şəkərxonu adlanır. Bizcə, bu yerli əhalinin tələffüzünə uğramış təhrifdir. Çünki yaylanın əsl adı Şəkərxan olmalıdır. Şəkər şəxs adı, xan isə tituldur.

Əd.: N.Bəndəliyev “Dağlıq Şirvanın toponimləri”, Bakı, “Elm”, 2009, s.214

(1085-1165) – təbib. “Elmi-ədəb”də Kafiəddin Ömər məktəbinin tibb sahəsində davamçılarındandır. Təbib Şəmsəddin adı ilə məşhur olmuşdur. “Təşriki-Abdan” adlı əsərin müəllifidir. Xaqanini çox ağır xətəlikdən müalicə etməsi məlumdur.

Əd.: E.Mehrəliyev “Şirvan Elmlər Akademiyası”, Bakı, “Çaşıoğlu”, 2000, s.61

(? – ?) – 13 əsr Azərbaycan astronomu. 11-12 əsr Şirvan astronomiya məktəbinin davamçısıdır. 1210-80 illərdə Marağa Rəsədxanasında çalışmışdır. Elmi tədqiqatlarla yanaşı, astronomik cihazlar da yaratmışdır. Yaxın Şərqə səyahət etmişdir.

Əd.: E.Mehrəliyev “Şirvan Elmlər Akademiyası”, Bakı, “Çaşıoğlu”, 2000, s.58

Şamaxı r-nu Şərədil kənd i.ə.d.-nin mərkəzi. Ləngəbiz silsiləsinin Şərədil yaylasındadır. Əhalisi 577 nəfərdir (2009), 147 təsərrüfatı var. Kənddə beşulduzlu “Şamaxı Palas” oteli fəaliyyət göstərir. Şoradil variantında da qeydə alınmışdır. Kənd eyniadlı yaylanın adını daşıyır. 19 əsrin sənədlərində Şamaxı qəzasının Qoşun sahəsində Şərədil adlı kənd (28 ailə, 244 nəfər) qeydə alınmışdır. Adı isə şora (şoranlaşmış) və dil (quru torpaq zolağı) komponentlərindən düzəlib, “şoranlaşmış quru torpaq zolağı” mənasındadır.

Əd.: “Azərbaycan toponimlərinin ensiklopedik lüğəti”. II cild. Bakı, “Şərq-Qərb”, 2007, s. 214

N.Bəndalıyev “Dağlıq Şirvanın toponimləri”, Bakı, “Elm”, s.165

(?-?) – 15 əsr Azərbaycan xəttatı, Şamaxıda və Təbrizdə yaşamışdır. Şamaxıda Şirvanşah Fərrux Yəsarın (1462-1500) sarayında, sonralar isə Təbrizdə Ağqoyunlu hökmdarı SultanYaqubun (1478-90) kitabxanasında fəaliyyət göstərmiş, bir sıra bədii əsərlərin üzünü köçürmüşdür. Yusif Әmirin “Divan”ı (15 əsr, Ayasofiya kitabxanası, İstanbul), “Kəlilə və Dimnə” (1447, Sipəhsalar mədrəsəsi, Tehran), “Şamaxı antologiyası” (1468, Britaniya muzeyi, London), Hafizin və Kamal Xocəndinin şeirlərindən ibarət əlyazması (1473, Topqapı muzeyi, İstambul) ən yaxşı işlərindəndir.

Əd.: ASE, X cild, Bakı,1987, s. 513

Azərbaycan Respublikasının Şamaxı şəhərindən 25 km cənubda, Bağırlı kəndi ərazisində nekropol. Sahəsi 20 – 25 ha – dır. Küp qəbirlərdən ibarətdir. 1964 ildə süni gölün yaradılması zamanı üstü açılmış və fasilələrlə tədqiq edilmişdir.

(25.12.1909, Şamaxı – 28.9.1982, Bakı) – Azərbaycan rejissoru. Azərbaycan SSR xalq artisti (1960). Bakı Teatr Texnikumunu (1928) və Dövlət Teatr Sənəti İnstitutunu (Moskva) bitirmişdir (1933). 1934-82 illərdə Azərbaycan Dövlət Akademik Dram Teatrının rejissoru olmuşdur. Şərifov “Lenin” (1940, A. Kapler və T. Zlatoqorova), “Tufanlı il” (1959, 1967, A. Kapler), “Zamanın hökmü” (1970; N. Poqodinin trilogiyası əsasında), “Kreml saatı” (1975, N. Poqodin), “Cehizsiz qız” (1938, 1979; A. Ostrovski), “Pəri cadu” (1940, 1957; Ә. B. Haqverdiyev), “Sevil” (1944, C. Cabbarlı), “Qış nağılı” (1955, V. Şekspir), “Şeyx Sənan”, “Səyavuş” (1956, 1963; H. Cavid), “Orlean qızı”, “Məkr və məhəbbət” (1965, 1973; F. Şiller), “Közərən ocaqlar” (1967, M. İbrahimov), “Məhəbbət əfsanəsi” (1977, N. Hikmət) və s. tamaşaları səhnəyə qoymuşdur. Qırmızı Əmək Bayrağı, 2 “Şərəf nişanı” ordeni və medallarla təltif edilmişdir.

Əd.: ASE, X cild, Bakı,1987, s. 515

(15.7.1948, Şamaxı r-nunun Göylər k.) – idman müəllimi, məşqçi. Azərbaycan Respublikasının fəxri bədən tərbiyəsi və idman işçisi. Xarkov Pedaqoji İnstitutunu bitirmişdir. Yetişdirmələri Avropa çempionatlarının mükafatçısı, respublika birinciliklərinin qalibi olmuşdur. 1975 ildən Göylər kənd tam orta məktəbində fiziki tərbiyə müəllimi işləyir.

Məlumat M.Şərifovdan alınmışdır.

(6.2.1924, Bakı – 20.2.2014, Bakı) – Azərbaycan aktrisası, Azərbaycan Respublikasının xalq artisti (1969). Bakı Xereoqrafiya Məktəbində və Azərbaycan Dövlət Konservatoriyasında oxumuşdur. Səhnə fəaliyyətinə 1947 ildə Azərbaycan Musiqili Komediya Teatrında başlamışdır. 1949 ildən ömrünün sonunadək Azərbaycan Gənc Tamaşaçılar Teatrının aktrisası olmuşdur (1960-61 illərdə fasilələrlə).

(22.3.1893, Şamaxı – mart, 1938, Bakı) – Azərbaycan aktyoru, rejissoru, teatr xadimi. Azərb.SSR xalq artisti (1936) Müəllim ailəsində doğulmuşdur. Atası Seyid Әzim Şirvaninin “Üsuli-cədid” məktəbində dərs demiş, teatrla maraqlanmışdır. Şərifzadənin teatr aləminə yaxın olan əmisi Mirzə Məhəmmədtağı onu ilk dəfə səhnəyə həvəsləndirmişdir. 1895 ildə Şərifzadənin ailəsi Şamaxıdan Bakıya köçmüşdür.