(? – 1566/67) – Şirvan bəylərbəyi [1549-66/67], ustaclı tayfasının başçısı, sərkərdə Şah İsmayılın bacısı oğlu. Azərbaycanın Avropa ölkələri ilə ticarət və siyasi əlaqələrinin möhkəmlənməsində müəyyən rol oynamışdır. Onun dövründə Şamaxıda Rusiya və İngiltərənin ticarət faktoriyaları yaranmış, IV İvanla diplomatik danışıqlar aparmışdır.
Əd.: ASE, I cild, Bakı, 1976, s.19
(? – 1786, Bakı) – Şamaxı xanı [1765 – 68, 1774]. Xançobanı tayfasından idi. 18 əsrin ortalarında qardaşı Məhəmmədsəid xanla birlikdə 1734 ildə dağıdılmış Şamaxı şəhərini bərpa edərək özünü xan elan etdi. Qubalı Fətəli xan Şamaxını alarkən (1768) Ağası xan həbs olundu və gözləri çıxarıldı. 1769 ildə Qarabağa qaçmışdır.
Әxsitan, Aqsartan (? – təqr. 1196/97; başqa məlumata görə təqr. 1203/04) – Şirvanşah [təqr. 1160 – təqr. 1196/97; başqa məlumata görə təqr. 1149 – təqr. 1203/04], II Mənuçöhrün oğlu. Axsitanın hakimiyyəti zamanı Şirvan çox qüvvətlənmişdi.
(?-1260) – Şirvanşah [1243 – 1260], III Fəribürzün oğlu, Kəsranilər sülaləsindən idi. Zəkəriyyə Qəzvini öz əsərində yazır: “Şirvan müstəqil vilayətdir. Onun hökmdarının adı Axsitandır. Şirvanın hakimi əzəmətli, güclü və qüdrətli hökmdar idi”.
(?-?) – Şirvanşah [1283-94], II Fərruxzadın oğlu, Kəsranilər sülaləsindən idi. H.693 il rəcəb ayına (1294, iyun) aid kitabədə “məlik Keykavus ibn Axsitan” adı çəkildiyindən, III Axsitanın 1283-94 illərdə hakimiyyət sürdüyü aydınlaşır.
(? – 1501) – Şirvanşah (1500 – 1501), Fərrus Yasarın oğlu, Dəbəndilər sülaləsindən idi. Mənbələrdə onun hakimiyyətinə dair heç bir məlumat verilmir. Öz əcəli ilə 1501 ildə ölmüşdür.
Əd.: S.Aşurbəyli “Şirvanşahlar dövləti”, Bakı, “Avrasiya Press”, 2006, s.308
(26.5.1887, Şamaxı – 21.4.1938) – Azərbaycanın sovetləşməsində fəal iştirak etmiş partiya və dövlət xadimi.1903 ildən fəhlə hərəkatına qoşulmuş, marksist dərnəklərdə iştirak etmişdir. 1904 ildə Rusiya Sosial-Demokrat Fəhlə (bolşeviklər) Partiyasına (RSDF(b)P) daxil olmuşdur. “Hümmət” bolşevik Əfəndizadə”, “Məhbus”, “Səma” və b. imzalarla mətbuatda yazıları dərc olunmuşdur.
(?-1160) – Şirvanşah [1160]. Kəsranilər sülaləsindən idi. Mənuçöhr 1160 ildə öldükdən sonra Şirvanşahlar taxtına çox qısa müddətdə onun oğlu Əfridun çıxmışdır.
(? – təqr. 1096) – Şirvanşah [1063 – 96]. Salar ibn Yəzidin oğlu. Atasının sağlığından dövləti idarə edirdi. Onun dövründə Şəddadilər (1063 – 64) və Səlcuqlar (1066) dəfələrlə Şirvana soxuldu.
(?-?) – Şirvanşah [1200/01-1204], II Əfridunun oğlu, Kəsranilər sülaləsindən idi. Bu Şirvanşahın mövcudluğunu qəti təsdiq edən sikkələr qalmışdır. Sikkənin üz tərəfində dini rəmz və xəlifə ən Nasir-lidin-Allahın adı, əks tərəfində isə “əl-məlik, əlo-adil Cəlal əd-Dünya və-d-din Fəribürz ibn Əfridun ibn Mənuçöhr, Şirvanşah” sözləri həkk olunmuşdur.
Əd.: S.Aşurbəyli “Şirvanşahlar dövləti”, Bakı, “Avrasiya Press”, 2006, s. 172
