(1929, Şamaxı ş. – 1987, Bakı) – Azərbaycanın ilk bərpaçı-rəssamı. Ə.Əzimzadə adına Bakı Rəssamlıq Məktəbini və Moskvada Surikov adına Ali Rəssamlıq İnstitutunu bitirmişdir. İnstitutda oxuduğu illərdə Drezden qalereyasında sərgilənən məşhur Novqorod, Pskov, Vladimir və Suzdal ikonalarını, Kiyevin “Müqəddəs Sofiya” kilsəsinin mozaik kompozisiyalarını, Vilnüsdən Çürlyonisin qrafik əsərlərini, Ermitaj muzeyinin, Tretyakov qalereyasının, A.S.Puşkin adına İncəsənət Muzeyinin müxtəlif yağlı boya tablolarını bərpa və konservasiya etmişdir.

(10.7.1950, Şamaxı ş.) – bərpaçı-rəssam, sənətşünas, Azərbaycan Respublikasının əməkdar mədəniyyət işçisi (2010). Azərbaycan Dövlət İncəsənət Universitetini bitirmişdir. Azərbaycan Respublikası Mədəniyyət Nazirliyinin Bədii sərgi salonunda (1969-73), R.Mustafayev adına Azərbaycan Dövlət İncəsənət muzeyinin fılialı olan Elmi- bərpaçılıq emalatxanasında (1970-81) bərpaçı-rəssam işləmişdir.

(1882, Şamaxı ş. – 1967, Bakı) – din xadimi, şeyxülislam. İbtidai təhsilini atası, tanınmış din xadimi Şeyx Əlidən almışdır. Məşhəd və Nəcəf şəhərlərində dini təhsilini davam etdirmişdir.
Zaqafqaziya şeyxülislamının xüsusi sərəncamı ilə Şamaxı şəhərinin “İmamlı” məscidinin axundu təyin edilmişdir.

(16.11.1980, Şamaxı r-nunun Sabir q.) – ərəbşünas, tərcüməçi, ərəb məhcər (mühacirət) ədəbiyyatının tədqiqatçısı, filologiya elmləri üzrə fəlsəfə doktoru (2011). Qafqaz Universitetində bakalavr, Mərmərə Universitetində (Türkiyə) magistratura təhsili almışdır. Suriya Ərəb Respublikasının Dəməşq Universitetinin ərəb dili və ədəbiyyatı bölməsində qonaq tələbə kimi təhsilini davam etdirmişdir.

(18 əsr). Azərbaycan əczaçısı və “Siracüt-tibb” (“Tibbin çırağı”) əsərinin müəllifidir. Fars dilində yazılmış bu məşhur əsərdə yüzlərlə dərman nüsxələri göstərilmişdir. “Siracüt-tibb” orta əsr Azərbaycan əczaçılarının stolüstü kitabı olmaqla yanaşı, qonşu Şərq ölkələrində də məşhur idi. Kitabda mürəkkəb tərkibli nüsxələrdən bəhs olunur.

(28.10.1900, Şamaxı – 22.7.1972, Bakı) – biokimyaçı. Tibb e.d. (1937), professor (1937), Azərbaycan SSR EA müxbir üzvü (1962). Azərbaycan SSR əməkdar həkimi (1942) və əməkdar elm xadimi (1942). 1937 ilə qədər SSRİ EA A. N. Bax ad. Bioloji Kimya İnstitutunda işləmiş, 1937-72 illərdə Azərbaycan Dövlət Tibb İnstitutunda bioloji kimya kafedrasının müdiri olmuşdur.

(10.4.1946, Şamaxı r-nunun, Dağ Kolanı k.) – riyaziyyatçı, riyaziyyat üzrə fəlsəfə doktoru, BDU-nun mexanika-riyaziyyat fakültəsini bitirmişdir. Tətbiqi riyaziyyat kafedrasının dosentidir. Tədqiqat sahəsi təbiət elmlərinin riyazi modellərinin diferensial və inteqral tənlikləri ilə bağlıdır.
Məlumat F. Həsənovdan alınmışdır

(16.2.1938, Bakı) – Azərbaycan bioloqu, biologiya elmləri doktoru (1985), professor (1986). Azərbaycan Dövlət Universitetini bitirmişdir. Moskva Dövlət Universitetində, AMEA-nın Botanika İnstitutunda çalışmış, Karneqi İnstitutunda (biologiya bölməsi), Stenford və İllinoys universitetlərində (ABŞ) tədqiqatlar aparmışdır.

(25.6.1903, Şamaxı – 11.7.1976, Bakı) – Azərbaycan kurortoloqu. Tibb e.d. (1935), professor (1933). Azərbaycan SSR əməkdar həkimi (1942) və əməkdar elm xadimi (1960). 1961 ildə Həsənovun təşəbbüsü ilə Bakıda dünyada ilk dəfə xüsusi müalicə müəssisəsi – “Sağlamlıq zonası” yaradılmış və ona rəhbərlik etmişdir.

(1928-1999) – Azərbaycan psixiatrı, tibb elmləri doktoru (1960), professor (1963). Azərbaycan Dövlət Tibb İnstitutunun müalicə-profilaktika fakültəsini bitirdikdən sonra Moskva şəhərində prof. Serbski adına ET Məhkəmə Psixiatriyası İnstitutunda klinik ordinatura keçmişdir.