Məmmədov Rza Bürcəli oğlu (16.3.1976, Şamaxı r-nunun Quşçu k.) – aşıq. Aşıqlıq sənətinin sirlərini aşıq Ağamurad İsrafilovdan öyrənmişdir. 2012 ildə keçrilən “Deyişmə” aşıq müsabiqəsinin mükafatçısı olmuşdur.

Məmmədov Rza Əlisa oğlu (1944, Şamaxı r-nunun Təklə-Mirzəbala k. – 1993, yenə orada) – el aşığı. Aşıqlığın sirrini Aşıq Bəylər və Aşıq Xanmusadan öyrənmişdir. Otuz ildən artıq aşıqlıq etmişdir.

Fətəyev Şərbət Cənnətalı oğlu (1935, Şamaxı r-nunun Talışnuru k.) – Azərbaycan aşığı, Azərbaycan Respublikasının əməkdar mədəniyyət işçisi (2009). Aşıqlıq sənətinə 1954 ildə başlamışdır.

Zahidov Xanış Xeyrulla oğlu (1932, Şamaxı r-nunun Nabur k.) – el aşığı. Babası, nənəsi, anası sinədəftər el şairi, əmisi Şirsoltan Zahidov isə öz dövrünün ən məhşur aşıqlarından biri olmuşdur.

Musayev Xanmusa Musaxan oğlu (1926, Şamaxı qəz. Şamlı k.) – el aşığı. Aşıqlıq sənətinin ilk sirrlərini həmkəndlisi Aşıq Xanbaladan öyrənmişdir. Sonra isə Şirvanın tanınmış sənətkarı Aşıq Abbas Söhbətovun yanında şagirdlik etmişdir.

(16.2.1950, Şamaxı r-nunun, Cəyirli k.) – Azərbaycan riyaziyyatçısı, fizika-riyaziyyat elmləri doktoru (1996), professor (1997). Bakı Dövlət Universitetini bitirmişdir. Əsas tədqiqat sahəsi diferensial operatorların spektral nəzəriyyəsi ilə bağlıdır.

(27.1.1906, Bakı – 17.7.2001, Bakı) – Azərbaycan tarixçisi, tarix elmləri doktoru (1966), əməkdar elm xadimi (1982), Azərbaycan SSR Dövlət laureatı (1986). İstanbulda Janna dArk adına fransız kollecini (1925), Azərbaycan Dövlət İnstitutunun Şərq (1930) və Azərbaycan Dövlət Pedaqoji İnstitutunun xarici dillər (1941) fakültələrini, həmçinin Azərbaycan Rəssamlıq Məktəbini (1941) bitirmişdir.

Әxsitan, Aqsartan (? – təqr. 1196/97; başqa məlumata görə təqr. 1203/04) – Şirvanşah [təqr. 1160 – təqr. 1196/97; başqa məlumata görə təqr. 1149 – təqr. 1203/04], II Mənuçöhrün oğlu. Axsitanın hakimiyyəti zamanı Şirvan çox qüvvətlənmişdi.

(?-1260) – Şirvanşah [1243 – 1260], III Fəribürzün oğlu, Kəsranilər sülaləsindən idi. Zəkəriyyə Qəzvini öz əsərində yazır: “Şirvan müstəqil vilayətdir. Onun hökmdarının adı Axsitandır. Şirvanın hakimi əzəmətli, güclü və qüdrətli hökmdar idi”.

(?-?) – Şirvanşah [1283-94], II Fərruxzadın oğlu, Kəsranilər sülaləsindən idi. H.693 il rəcəb ayına (1294, iyun) aid kitabədə “məlik Keykavus ibn Axsitan” adı çəkildiyindən, III Axsitanın 1283-94 illərdə hakimiyyət sürdüyü aydınlaşır.