(1085-1165) – təbib. “Elmi-ədəb”də Kafiəddin Ömər məktəbinin tibb sahəsində davamçılarındandır. Təbib Şəmsəddin adı ilə məşhur olmuşdur. “Təşriki-Abdan” adlı əsərin müəllifidir. Xaqanini çox ağır xətəlikdən müalicə etməsi məlumdur.
Əd.: E.Mehrəliyev “Şirvan Elmlər Akademiyası”, Bakı, “Çaşıoğlu”, 2000, s.61
(? – ?) – 13 əsr Azərbaycan astronomu. 11-12 əsr Şirvan astronomiya məktəbinin davamçısıdır. 1210-80 illərdə Marağa Rəsədxanasında çalışmışdır. Elmi tədqiqatlarla yanaşı, astronomik cihazlar da yaratmışdır. Yaxın Şərqə səyahət etmişdir.
Əd.: E.Mehrəliyev “Şirvan Elmlər Akademiyası”, Bakı, “Çaşıoğlu”, 2000, s.58
(?-?) – 15 əsr Azərbaycan xəttatı, Şamaxıda və Təbrizdə yaşamışdır. Şamaxıda Şirvanşah Fərrux Yəsarın (1462-1500) sarayında, sonralar isə Təbrizdə Ağqoyunlu hökmdarı SultanYaqubun (1478-90) kitabxanasında fəaliyyət göstərmiş, bir sıra bədii əsərlərin üzünü köçürmüşdür. Yusif Әmirin “Divan”ı (15 əsr, Ayasofiya kitabxanası, İstanbul), “Kəlilə və Dimnə” (1447, Sipəhsalar mədrəsəsi, Tehran), “Şamaxı antologiyası” (1468, Britaniya muzeyi, London), Hafizin və Kamal Xocəndinin şeirlərindən ibarət əlyazması (1473, Topqapı muzeyi, İstambul) ən yaxşı işlərindəndir.
Əd.: ASE, X cild, Bakı,1987, s. 513
(25.12.1909, Şamaxı – 28.9.1982, Bakı) – Azərbaycan rejissoru. Azərbaycan SSR xalq artisti (1960). Bakı Teatr Texnikumunu (1928) və Dövlət Teatr Sənəti İnstitutunu (Moskva) bitirmişdir (1933). 1934-82 illərdə Azərbaycan Dövlət Akademik Dram Teatrının rejissoru olmuşdur. Şərifov “Lenin” (1940, A. Kapler və T. Zlatoqorova), “Tufanlı il” (1959, 1967, A. Kapler), “Zamanın hökmü” (1970; N. Poqodinin trilogiyası əsasında), “Kreml saatı” (1975, N. Poqodin), “Cehizsiz qız” (1938, 1979; A. Ostrovski), “Pəri cadu” (1940, 1957; Ә. B. Haqverdiyev), “Sevil” (1944, C. Cabbarlı), “Qış nağılı” (1955, V. Şekspir), “Şeyx Sənan”, “Səyavuş” (1956, 1963; H. Cavid), “Orlean qızı”, “Məkr və məhəbbət” (1965, 1973; F. Şiller), “Közərən ocaqlar” (1967, M. İbrahimov), “Məhəbbət əfsanəsi” (1977, N. Hikmət) və s. tamaşaları səhnəyə qoymuşdur. Qırmızı Əmək Bayrağı, 2 “Şərəf nişanı” ordeni və medallarla təltif edilmişdir.
Əd.: ASE, X cild, Bakı,1987, s. 515
(6.2.1924, Bakı – 20.2.2014, Bakı) – Azərbaycan aktrisası, Azərbaycan Respublikasının xalq artisti (1969). Bakı Xereoqrafiya Məktəbində və Azərbaycan Dövlət Konservatoriyasında oxumuşdur. Səhnə fəaliyyətinə 1947 ildə Azərbaycan Musiqili Komediya Teatrında başlamışdır. 1949 ildən ömrünün sonunadək Azərbaycan Gənc Tamaşaçılar Teatrının aktrisası olmuşdur (1960-61 illərdə fasilələrlə).
(22.3.1893, Şamaxı – mart, 1938, Bakı) – Azərbaycan aktyoru, rejissoru, teatr xadimi. Azərb.SSR xalq artisti (1936) Müəllim ailəsində doğulmuşdur. Atası Seyid Әzim Şirvaninin “Üsuli-cədid” məktəbində dərs demiş, teatrla maraqlanmışdır. Şərifzadənin teatr aləminə yaxın olan əmisi Mirzə Məhəmmədtağı onu ilk dəfə səhnəyə həvəsləndirmişdir. 1895 ildə Şərifzadənin ailəsi Şamaxıdan Bakıya köçmüşdür.
(19.9.1909, Şamaxı – 1991, Bakı) – Azərbaycan dilçisi, türkoloq. Filologiya e.d. (1943, namizədlik dissertasiyasına görə birbaşa), professor (1943), Azərbaycan SSR EA akademiki (1962, müxbir üzvü 1949). Azərbaycan SSR əməkdar elm xadimi (1960). Azərbaycan SSR Dövlət mükafatı laureatı (1972).
(1911, Şamaxı qəz., Bicov k. – 1996, Bakı) – Azərbaycan geoloqu, geologiya-mineralogiya elmləri doktoru (1965), professor, Azərbaycan EA akademiki (1983), əməkdar elm xadimi. Azərbaycan Sənaye İnstitutunu bitirmişdir. 1947 ildə “Böyük Qafqazın cənub yamacının Azərbaycan hissəsinin geoloji quruluşu” mövzusunda namizədlik dissertasiyası müdafiə etmişdir.
(18.12.1915, Şamaxı ş. – 22.2.1975, Bakı) – Azərbaycan neftçi alimi, texnika elmləri doktoru (1962), professor (1964). Azərbaycan Sənaye İnstitutunun neft-mexanika fakültəsini bitirmiş, Marksizm-Leninizm Universitetində ikinci ali təhsil almışdır.
(1946, Şamaxı ş.) – kimyaçı, kimya elmləri namizədi (1992), professor, Azərbaycan Respublikasının əməkdar mühəndisi (2010), Azərbaycan Neft və Kimya İnstitutunu bitirmişdir. 1991-95 illərdə Azərbaycan Neft və Kimya İnstitutunun Həmkarlar İttifaqının sədri olmuşdur. 1995 ildən ADNA-nın prorektorudur. “Vinilxloridin alınması” və “Buğda artımının stimulyatoru” adlı ixtira və patentlərin müəllifidir. SSRİ idman ustasıdır. Dəfələrlə keçmiş SSRİ miqyasında turnirlərin qalibi olmuşdur.
Məlumat N.Şıxıyevdən alınmışdır.
