(14.8.1957, Şamaxı r-nunun Nabur k.) – Azərbaycan müğənnisi, xanəndə, Azərbaycan Respublikasının xalq artisti (1993), professor (2010), Azərbaycan Dövlət mükafatı laureatı (2010). A.Zeynallı adına Bakı Musiqi Məktəbini və Azərbaycan Dövlət İncəsənət İnstitutunu bitirmişdir. Avropa, Amerika və Asiyada konsertlərlə çıxış edərək, Azərbaycan muğam sənətini tanıtmışdır. Səmərqənddə beynəlxalq festivalın birinci mükafatını qazanmış, YUNESKO-nun ABŞ-da keçirdiyi beynəlxalq festivalda birinci yeri tutmuşdur.

(11.7.1939, Şamaxı r-nunun, Nәrimankәnd k. – 6.9.2008, Bakı) – Azərbaycan riyaziyyatçısı. Fizika-riyaziyyat elmləri doktoru (1967), prof.(1969), Azәrb.SSR EA m. üzvü (1980). Moskva Dövlәt Universitetini bitirmişdir (1961). BDU-nun tәtbiqi riyaziyyat kafedrasının müdiri olmuşdur. Tәdqiqatları funksional analiz vә onun tәtbiqlәri, riyazi fizika vә diferensial tənliklar sahәsindәdir.

(16.1.1964, Şamaxı ş.) – Tarix üzrə fəlsəfə doktoru (1999). Azərbaycan Dövlət Universitetinin tarix fakültəsini bitirmişdir (1987). Bakı Dövlət Universiteti tarix fakültəsinin Mənbəşünaslıq, tarixşünaslıq və metodika kafedrasının dosentidir. 60 elmi məqalənin, o cümlədən 1 monoqrafiyanın, 1 dərs vəsaitinin, 2 metodik vəsaitin, 10 proqramın müəllifidir.

Qazbek, Sultan Məhəmməd Qazi (? – 1501/02) – Şirvanşah [1501/02]. Fərrux Yasarın oğlu. Dərbəndilər sülaləsindən idi. Atasının sağlığında Bakı və Mahmudabad şəhərlərinin, Güştasfi və Salyan vilayətlərinin hakimi təyin edilmişdi. Qardaşı Bəhram bəyin ölümündən sonra hakimiyyətə keçmiş və cəmisi altı ay hakimiyyətdə olmuşdu. Şah İsmayılın Bakıya hücumu zamanı (1501) Şirvanın dağ qalalarını müdafiəyə hazırlamışdı.

(18.3.1909, Şamaxı ş. – 25.12.1990, Bakı) – professor, Azərbaycanın əməkdar elm xadimi. 1937 ildən Azərbaycan Dövlət Pedaqoji İnstitutunun biologiya fakültəsində, 1938-49 illərdə SSRİ EA Azərbaycan filialının nəbatat bağında işləmiş, 1943-49 illərdə müdiri olmuşdur. 1946 ildən APİ-nin botanika kafedrasının dosenti və professoru, 1950-84 illərdə kafedra mudiri, 1951-54 illərdə APİ-nin rektoru, 1954-62 illərdə isə tədris işləri üzrə prorektoru vəzifəsində çalışmışdır.

(14.6.1983, Şamaxı) – folklorşünas, filologiya üzrə fəlsəfə doktoru (2010), dosent. Azərbaycan Dövlət Pedaqoji Universitetini bitirmişdir. Azərbaycan Universitetində çalışır, prezident təqaüdçüsüdür. Əsas tədqiqat mövzusu 19 əsrin sonu, 20 əsrin birinci yarısında Şirvan xalq poeziyasının inkişaf təmayülləri ilə əlaqədardır. 6 kitabın, 20-dən artıq elmi məqalənin müəllifidir.

(28.3.1952, Şamaxı r-nunun Dağ-Kolanı k.) – ədəbiyyatçı, folklorşünas, filologiya elmləri doktoru (2000), professor. Azərbaycan Dövlət Pedaqoji İnstitutunu fərqlənmə diplomu ilə bitirmişdir. Şamaxı r-nunun Göylər kənd məktəbində müəllim, Azərbaycan Müəllimlər İnstitutunun Şamaxı filialında kafedra müdiri, direktor müavini vəzifələrində işləmişdir.

(aprel, 1866, Şamaxı ş,- 1937) – Azərbaycan maarif xadimi, yazıçı. İlk təhsilini S. Ә. Şirvaninin “Məclis” məktəbində və Şamaxı şəhər məktəbində almışdır. 1883 ildə Tiflisdə Aleksandrovski Müəllimlər İnstitutuna daxil olmuş, burada oxuduğu illərdə gürcü sosial-demokrat dərnəkləri ilə əlaqə saxlamışdır. 1887 ildə institutu bitirib, Bakıya gəlmiş, H. Mahmudbəyovla birlikdə yeni tipli ilk rus-müsəlman (Azərbaycan) məktəbi açmışdır. 1905 ildə Qori seminariyası müsəlman (Azərbaycan) şöbəsinin müfəttişi, 1908 ildə Bakı quberniyası və Dağıstan vilayəti xalq məktəblərinin 2-ci rayonu üzrə müfəttiş, 1917 ildə isə vilayət xalq məktəblərinin direktoru təyin olunmuşdur.

Yunus ibn Mənsur ibn İbrahim (? – 1258) – Şamaxıda doğulmuş müqayisəli qrammatika üzrə məşhur alim. Onomastika sahəsində əsərlərin müəllifi olmuşdur. Fəlsəfədən dərs deməsi də məlumdur. Şirvan “elmi-ədəb”in yetişdirməsi kimi məşhurlaşdığından, Bağdaddakı tanınmış “Nizamiyyə” mədrəsəsinə dərs deməyə dəvət olunmuşdur.

(15.8.1970, Bakı) – tarixçi, arxeoloq. Tarix elmləri üzrə fəlsəfə doktorudur. (2006). Azərbaycan Dövlət Pedaqoji Universitetini bitirmişdir. 1998 ildən Azərbaycan MEA Arxeologiya və Etnoqrafiya İnstitutunda çalışır. Numizmatika şöbəsinin müdiridir (2009 ildən). Şamaxı-Xınıslı arxeoloji ekspedisiyasının rəhbəri təyin edilmiş, Xınıslı, (Şamaxı), Nərgizava (Ağsu) abidələrində arxeoloji qazıntılar aparmış, Şamaxı (Gülüstan qalası, Buğurt qalası, Qurd- təpə yaşayış yeri, Pirsaat kurqanları, Çuxuryurd kurqanları, Əngəxaran yaşayış yeri), İsmayıllı (Hacıhətəmli nekropolu, Çərmədil nekropolu) və Ağsu (Nərgizava nekropolu, Dilman nekropolu) rayonları ərazisində arxeoloji tədqiqatlara rəhbərlik etmişdir.