(? – 1163, Bakı) – 11 əsrin sonu 12 əsrdə yaşamış təsəvvüf alimi. Şirvanda və Şirvanşahlar sarayında böyük nüfuz sahibi olmuşdur. Şirvanşahlar sarayında Xaqaniyə böyük qayğı göstərmişdi. Sonralar sufi təriqətinin yayılmasına görə Şamaxıdan Gəncəyə getmiş, orada Şeyxülislam olmuşdu. Həbsdən yayınmağa çalışan Xaqani yardım üçün Gəncəyə, onun yanına getmişdi. Müxaliflərin təzyiqi ilə işdən uzaqlaşdırılmış, Bakıya qayıtmış, elə oradaca vəfat etmişdi. Xaqani əsərlərində ondan məhəbbətlə bəhs etmişdir.

(2.2.1945, Bakı) – ictimai-siyasi xadim, texnika elmləri namizədi (1978). Azərbaycan Neft və Kimya İnstitutunu, M.Lomonosov adına Moskva Dövlət Universitetini bitirmişdir. Azərbaycan EA Kibernetika İnstitutunun direktor müavini, “Kibernetika” XKB-nin direktoru (1978-87), “Ulduz” Elm İstehsalat Birliyinin baş direktoru və “Rabitə Sistemləri” Elmi-Tədqiqat İnstitutunun direktoru (1987-95) olmuşdur. Azərbaycan Respublikası iqtisadiyyat nazirinin birinci müavini (1995-96), Azərbaycan Respublikasının iqtisadiyyat naziri (1996-2001), Azərbaycan Respublikası Hesablama Palatasının sədri vəzifələrində çalışmışdır. 15 müəlliflik şəhadətnaməsinin sahibidir, 32 elmi əsəri nəşr olunmuşdur. SSRİ Nazirlər Sovetinin xüsusi mükafatı (1973), Rusiya Federasiyasının “Dostluq” ordeni (2005) ilə təltif edilmişdir.

(25.10.1920, Bakı. – 26.4.1978, Bakı.) – dövlət xadimi. 1944 ildə Azərbaycan Sənaye İnstitutunu bitirmişdir. 1946 ildə Bakı Elektromexanika Zavodunun direktoru, 1960 ildə Respublika Xalq Təsərrüfatı Şurasının elektromexanika idarəsinin rəisi təyin olunmuşdur. Bakı Şəhər Partiya Komitəsinin 1-ci katibi, 1966-69 illərdə Dövlət Plan Komitəsinin sədr müavini, 1969-75 illərdə Rabitə naziri, 1975 ildə Yüngül Sənaye naziri vəzifələrində çalışmışdır. Dəfələrlə SSRİ Ali Sovetinin və Azərbaycan Ali SSR Sovetinin deputatı seçilmişdir.

(1673-1759 Şamaxı) – Azərbaycan şairi (17 əsrin sonu – 18 əsrin 1-ci yarısı). Әdəbi irsinin az bir hissəsi dövrümüzədək gəlib-çatmışdır. Füzuli ədəbi məktəbinin davamçısı, lirik şair kimi tanınmışdır. Әsasən, aşiqanə qəzəllər yazmışdır. Lakin lirikasında taledən şikayət, zahidlərin riyakarlığına istehza, didaktik motivlər də mövcuddur. “Görmədim” rədifli mürəbbesində ədalətsiz dövranın tənqidi ilə yanaşı, bədbinlik də duyulur. Həməsrlərindən Ağa Məsih Şirvani, Vaqif, Zülali Nişat Şirvaniyə nəzirələr yazmışlar. Ә. Cəfərzadənin “Vətənə qayıt” romanı Nişat Şirvaniyə həsr olunmuşdur.

(20.1.1947, Yardımlı) – ədəbiyyatçı, filologiya elmləri doktoru (1992), professor (1993). Azərbaycan Dövlət Pedaqoji İnstitutunu bitirmişdir. 1993 ildən Azərbaycan Dövlət Pedaqoji Universitetinin dünya ədəbiyyatı tarixi kafedrasının müdiridir. Bir çox elmi əsərlərin, dərslik və monoqrafiyaların, o cümlədən “Sabir irsinin tədqiqi və təbliği”, “M.Ə.Sabir ədəbi məktəbi”, “Sabir və davamçıları”, “Müasir şeirimizdə Sabir ənənələri” kitablarının müəllifidir.

(7.10.1936, Şamaxı r-nunun, Göylər k. – 20.9.2004, Bakı) – Azərbaycan tarixçisi, arxeoloq, tarix elmləri doktoru (1991), professor. Bakı Dövlət Universitetini bitirmişdir. Azərbaycan MEA Arxeologiya və Etnoqrafiya İnstitutunda çalışmış, Örənqala, Bakı, Şamaxı, Bərdə, Beyləqan, Naxçıvan, Zəngilan, Xudafərin, Biləsuvar və başqa rayonların ərazilərində fəaliyyət göstərən arxeoloji ekspedisiyalara rəhbərlik etmişdir.

(6.6.1947, Şamaxı r-nunun, Göylər k.) – coğrafiyaçı, coğrafiya üzrə fəlsəfə doktoru (1983), dosent. BDU-nun geologiya-coğrafiya fakültəsini bitirmişdir. Tədqiqat sahəsi toponomikadır. 2 monoqrafiya, 4 tədris proqramı, 1 metodik göstəriş, 60-dan artıq elmi məqalənin müəllifidir. 2005 ildən coğrafiya fakültəsində elmi və sosial məsələlər üzrə dekan müavinidir.

Əbu Abdulla Siracəddin Ömər Xəlvəti, (?, Şamaxı, Avaxıl k. – 1349, Təbriz) – məşhur sufi alimi, xəlvətilik təriqətinin banisi. Şeyx nəslindəndir, soyu Şirvanın məşhur şeyx ailələrinə söykənir. Atası Şeyx Əkmələddindir. Avaxıl kəndində dünyaya göz açmış və burada böyümüşdür.

(16.4.1961, Şamaxı r-nunun Cabanı k.) – kənd təsərrüfatı elmləri üzrə fəlsəfə doktoru (2009). Azərbaycan Dövlət Pedaqoji İnstitutunu bitirmişdir. Azərbaycan Dövlət Torpaq və Xəritəçəkmə Komitəsində mühəndis, aparıcı mühəndis və bölmə rəisi vəzifələrində çalışmışdır.

(1.2.1949, Şamaxı ş.) – Azərbaycan riyaziyyatçısı, fizika-riyaziyyat elmləri doktoru (1995), professor (1998). BDU-nun mexanika-riyaziyyat fakültəsini bitirmişdir. 1980 ildən BDU-nun tətbiqi riyaziyyat kafedrasında çalışır, 2011 ildən həmin kafedranın müdiridir.