(Məhəmməd ibn Əhməd ibn Saleh, ? – 1300, Şamaxı ş.) – hüquqşünas, fəlsəfə alimi. Sufi təriqətinin tərəfdarı idi. Bu barədə Səlahəddin Xəlil ibn Aybək Səfədi özünün “Əl-Vafi bi-l-vəfayət” adlı əsərində məlumat vermişdir.

Məhəmməd ibn Əbubəkr (? – ?) – 13 əsr musiqişünası. Şəhabəddin Şirvanidən ərğənun (içərisində olan borulara körüklər vasitəsilə hava verilərək çalınan klavişli böyük musiqi aləti) çalmağı öyrənmişdir. 

(? – ?) – alim, təbib. “Tibbnamə” adlı əsərin müəllifidir. 18 əsrdə yaşamışdır. Doğum və ölüm ili bağlı səhih məlumat yoxdur. Sonuncu Səfəvi hakimi dövründə Şirvanda eşik ağası olan Lütfəli bəyin yanında həkim olmuşdur.

(? – 1786, Salyan) – Şamaxı xanı [1747-68; 1774]. Xançobanı tayfasından idi. 18 əsrin ortalarında Məhəmmədsəid xan qardaşı Ağası xanla birlikdə Nadir şahın dağıtdığı Şamaxını abadlaşdırmış və özlərini xan elan etmişdilər. 1763 ildə Yeni Şamaxını (Ağsu) tutaraq Şamaxı xanlığına birləşdirmişdi.

(18.9.1961, Şamaxı r-nunun, Leninabad k.) – texnika üzrə fəlsəfə doktoru (1990), 2015 ildə “Azərbaycanın milli unlu məmulatları istehsalında texnoloji proseslərin intensivləşdirilməsi” mövzusunda doktorluq dissertasiyası müdafiə etmişdir. Azərbaycan Texnologiya İnstitutunu bitirmişdir.

(22.02.1927, Şamaxı ş. ­­- 26.02.1997, Bakı) – Azərbaycan bioloqu, biologiya elmləri doktoru (1973), professor, əməkdar elm xadimi (1990). Azərbaycan Kənd Təsərrüfatı İnstitutunu bitirmişdir. Həmin institutun fiziologiya kafedrasında assistent saxlanılmışdır.

(23.5.1952) – riyaziyyatçı, riyaziyyat üzrə fəlsəfə doktoru (1988), dosent (1995). Bakı Dövlət Universitetini bitirmişdir. Azərbaycan Dövlət Universitetinin Hesablama Mərkəzində mühəndis, böyük mühəndis, baş elmi işçi, laboratoriya müdiri vəzifələrində işləmiş, həmin dövrdə tətbiqi riyaziyyat fakültəsində pedaqoji fəaliyyətlə də məşğul olmuşdur (1974-89).

(5.1.1950, Bakı) – Azərbaycan riyaziyyatçısı, fizika-riyaziyyat elmləri doktoru (2005), professor (1992). Bakı Dövlət Universitetini bitirmişdir. 1976-77 illərdə Gəncə Dövlət Universitetində, 1977-2013 illərdə Azərbaycan Texnologiya Universitetində çalışmışdır. 1990-2005 illərdə ali riyaziyyat kafedrasının müdiri, 2000-13 illərdə universitetin rektoru olmuşdur. Hal-hazırda AMEA-nın Riyaziyyat və Mexanika İnstitunda işləyir.

(2.1.1957, Şamaxı ş.) – Azərbaycan seysmoloqu, geologiya-mineralogiya elmləri doktoru (2007). Azərbaycan Dövlət Universitetini bitirmişdir. Azərbaycan Respublikası Elmlər Akademiyasının “Geofizika” Elmi Mərkəzinin Təcrübi-Metodiki Ekspedisiyasının “Şamaxı” seysmik stansiyasında texnik, baş texnik, baş mühəndis vəzifələrində çalışmışdır.

(9.1.1971, Şamaxı r-nunun Göydərə k.) –riyaziyyatçı, riyaziyyat üzrə elmlər doktoru (2016), Azərbaycan Milli Elmlər Akademiyasının professoru (2017). Bakı Dövlət Universitetinin mexanika-riyaziyyat fakültəsini fərqlənmə diplomu ilə bitirmişdir(1994).