(1863, Şamaxı – 1923, Bakı) – maarif və mətbuat xadimi, publisist. Bəy ailəsində doğulmuşdur. Şamaxıda məhəllə və şəhər məktəblərində (1870-79), Qori Seminariyasında (1879-83) təhsil almışdır. Pedaqoji fəaliyyətində Yelizavetpol və İrəvan quberniyası xalq məktəbləri direktorluğu ilə başlamış, Padar, Ağcabədi və Ağdam kənd ibtidai məktəblərində (1883-88) müəllim işləmişdir.
(16.6.1864, Şamaxı – 30.7.1928, Bakı) – maarif xadimi. İlk təhsilini Şamaxıda almış (1871-73), Bakıda realnı məktəbdə oxumuşdur (1873-81). Tiflisdə Aleksandr Müəllimlər İnstitutunda təhsil almışdır (1883-87).
(15.5.1944, Hacıqabul r-nunun Atbulaq k.) – Azərbaycan kinorejissoru, ssenarist və aktyor. Əməkdar incəsənət xadimi, Azərbaycan Dövlət mükafatı laureatı (1986). Əslən Şamaxıdandır. Azərbaycan Dövlət İncəsənət İnstitutunu və Ali Rejissorluq və Ssenaristlər Kursunu (Moskva) bitirmişdir.
(1911, Şamaxı ş. – 1988, Bakı) – baytarlıq elmləri doktoru, professor. İrəvan Baytarlıq İnstitutunu bitirmişdir. Böyük Vətən Müharibəsinin iştirakçısıdır. Azərbaycan Kənd Təsərrüfatı İnstitutunun kafedra müdiri, dekanı və rektoru (1954-62) vəzifələrində çalışmışdır.
(31.8.1969, Bakı) – tarixçi, tarix üzrə fəlsəfə doktoru (1997). Azərbaycan Dövlət Univeristetini bitirmişdir. 1990 ildən Azərbaycan Dövlət Pedaqoji Universitetində çalışır. 2008 ildən ümumi tarix kafedrasının dosentidir. Əsas tədqiqatı qız qalalarının tarixi ilə bağlıdır. 69 elmi əsərin müəllifidir.
Məlumat A.Mehdiyevadan alınmışdır.
(1.1.1937 – Şamaxı r-nunun, Göylər k.) – Azərbaycan tarixçisi, tarix elmləri doktoru (1991), professor (1994). 1960 ildə Bakı Dövlət Universitetinin tarix fakültəsini bitirmişdir. 1994 ildən BDU-nun Türk və Qafqaz xalqları, 2012 ildən isə Türk xalqları tarixi kafedrasının professorudur.
(1930, Ağsu r-nunun Bico k. – 2011, Bakı) – Azərbaycan coğrafiyaçısı, coğrafiya elmləri doktoru (1991), professor. Azərbaycan Dövlət Pedaqoji İnstitutunu bitirmişdir. Azərbaycan EA-nın Coğrafiya İnstitutunda kiçik elmi işçi, İqtisadiyyat İnstitutunda kiçik və böyük elmi işçi, S.Dadaşov adına Tikinti Materialları Elmi-Tədqiqat İnstitutunda iqtisadi tədqiqatlar şöbəsinin müdiri, Neft Akademiyasında və İqtisadiyyat İnstitutunda dosent vəzifəsində işləmişdir.
(? – ?) – şair. 18 əsrin ikinci yarısında Şamaxı və Fitdağ şəhərlərində yaşamış ünlü şairlərdən olmuşdur. Nəsihətamiz və didaktik səpkidə yazılmış “Qisseyi-Şirzad” məsnəvisində sədaqət və mərdlik tərənnüm edilmişdir. Nağıl-dastan ünsürlərinin güclü olması şairin folklordan təsirləndiyini göstərir.
(? – 4.6.956) – Şirvanşah [948 – 956], Əbu Tahir Yəzid ibn Məhəmmədin oğlu. Atasının ölümündən sonra hakimiyyətə keçmişdi. Oğlanları Əhmədi Laican (Layzan), Heysəmi isə Təbərsaran (Tabasaran) hakimi təyin etmişdi. Hələ atasının sağlığında Şirvanşahlar dövlətinin həyatında mühüm rol oynayan Məhəmməd ibn Yəzidin dövründə Şirvanda iqtisadi həyat nisbətən dirçəlmişdi.
(? – ?) – din və şəriət alimi. Həyatı barəsində müfəssəl məlumat yoxdur. Əslən şamaxılıdır. 18 əsrin ikinci yarısı və 19 əsrin əvvəllərin Şamaxı şəhərində yaşamış və müəllimlik etmişdir. Şirvanlı Baba Əfəndidən mükəmməl dini və elmi təhsil almışdır.
