(20.7.1935, Şamaxı r-nunun, Dilman k.) – Azərbaycan fiziki, fizika-riyaziyyat elmləri doktoru (1985), professor (1986), Azərbaycan Respublikasının əməkdar müəllimi (2010). Azərbaycan Dövlət Pedaqoji Universitetini bitirmişdir. 1969 ildən Azərbaycan Dövlət Tibb Universitetinin tibbi fizika və informatika kafedrasında çalışır.
(10.1.1956, Masallı r-nunun Kolatan k.) – Azərbaycan tarixçisi, tarix elmləri doktoru (2004), professor. Azərbaycan Dövlət Universitetini bitirmişdir. 1978-81 illərdə Masallı rayonunda tarix müəllimi, 1982-84 illərdə Azərbaycan Dövlət Neft Akademiyası fəlsəfə kafedrasında kabinet müdiri işləmişdir. 1984 ildən BDU-nun Tarix fakültəsi mənbəşünaslıq, tarixşünaslıq və metodika kafedrasında çalışır.
(26.1.1965, Şamaxı) – Azərbaycan neftçi alimi, texnika elmləri doktoru (2013), Azərbaycan Respublikasının əməkdar mühəndisi (2014), Azərbaycan Dövlət Neft və Kimya İnstitutunu bitirmişdir. 1991 ildə “28 may” NQÇİ-də əmək fəaliyyətinə başlamışdır. 1999 ilədək orada operator, mühəndis, neftin və qazın ilkin hazırlanması və nəqli sexinin rəisi, 1999-2007 illərdə Azərbaycan Beynəlxalq Əməliyyat Şirkətində texnik, istehsalat üzrə supervayzer işləmişdir.
(10.9.1901, Şamaxı ş. – 5.4.1975, Bakı) – Azərbaycan müğənnisi, Azərbaycan SSR əməkdar artisti, 1930 ildən Azərbaycan Dövlət Opera və Balet Teatrının solisti olmuşdur. Onu teatra bəstəkar Müslüm Maqomayev gətirmişdir. Bu teatrda “Arşın mal alan” (Vəli), “O olmasın, bu olsun” (Hambal), “Koroğlu” (Təlxək), ” Sevil” (Balakişi), “Durna” (Dursun), “Şah İsmayıl” (Şah), “Şahsənəm” ( Aşıq Həsən), “”Leyli və Məcnun” (İbn Səlam və Məcnunun atası) tamaşalarında oynamışdır.
(12.1.1981, Şamaxı r-nunun, Nağaraxana k.) – riyaziyyatçı, riyaziyyat üzrə fəlsəfə doktoru (2010). Bakı Dövlət Universitetini bitirmişdir. BDU-nun “Funksiyalar nəzəriyyəsi və funksional analiz” kafedrasında çalışır. 25 elmi məqalənin, 13 tezisin və 4 dərs vəsaitinin müəllifidir.
(13.3.1928, Bakı) – Azərbaycan ginekoloqu, tibb elmləri doktoru (1974). Azərbaycan Dövlət Tibb İnstitutunu bitirmişdir. 1968 ildən Ə.Əliyev adına Azərbaycan Həkimləri Təkmilləşdirmə İnstitutunda mama-ginekologiya kafedrasının müdiri olmuşdur. 1982-89 illərdə Azərbaycan Respublikasının Baş ginekoloqu, 1974 ildən Azərbaycan Mama-Ginekoloqlar Cəmiyyətinin sədri olmuşdur.
(12.8.1893, Şamaxı – 1941) – Azərbaycanda sovet hakimiyyəti və sosializm quruculuğu uğrunda mübariz, respublikada səhiyyə işinin təşkilatçılarından biri, professor (1934). Kiyev Universitetində oxuyarkən (1911-17) tələbələrin inqilabi nümayişlərində iştirak etmişdir. 1917 ildə Bakıya gəlmiş, bolşevik “Hümmət” təşkilatının katibi və büro üzvü, RSDF(b)P BK və Bakı Sovetinə üzv seçilmişdir.
(4.10.1926, Bakı – 31.1.1996, Bakı) – Azərbaycan pediatrı, tibb elmləri doktoru (1969), professor (1971). Ə.Əliyev adına Azərbaycan Həkimləri Təkmilləşdirmə İnstitutunda pediatriya kafedrasının müdiri olmuşdur. Tədqiqatı əsasən, uşaqlarda mitral qüsurlara, böyrək xəstəliklərinə və s. həsr olunmuşdur.
(1120-1165), – 12 əsr Azərbaycan şairi. Əbül-üla Gəncəvi və Xaqaninin müasirlərindəndir. Farsca yazmışdır. Ədəbi irsinin az bir qismi dövrümüzə qədər gəlib çatmışdır. Əldə olan şeirləri İzəddin Şirvaninin yüksək bədii sənətkarlığa malik lirik şair olduğunu göstərir.
Əd.: ASE, IX cild, Bakı, 1980, s.394
(11 əsrin sonu – 12 əsrin birinci yarısı) – erkən orta əsr təbabətinin və fəlsəfəsinin, farmakologiya və elm nəzəriyyəsinin bilicisi, nəhəng elm təşkilatçısı. Xaqani Şirvaninin əmisidir. Böyük filosof, riyaziyyatçı, astronom, kimyaçı, həkim kimi daha çox tanınmışdır. Dünyanın maddi cəhətdən mövcudluğunun ardıcıl təbliğatçısı idi.
