(? – ?) – Şirvanşah [1527/28 – 1527/28], Şeyxşahın oğlu, Dərbəndilər sülaləsindən idi. 1527/28 ildə bir neçə aylığa hakimiyyəti qardaşı II Xəlilüllahdan tutub almış və bu müddət ərzində öz adından sikkə zərb etdirə bilmişdir. Xəlilüllah tərəfindən qovulduqdan sonra, onu Müzəffər Mirzə adlandıran Hürşahın məlumatına görə, Dağıstana, qohumu olan “Şamxal ölkəsi”nə qaçmış və onun himayəsində yaşamışdır.
Əd.: S.Aşurbəyli “Şirvanşahlar dövləti”, Bakı, “Avrasiya Press”, 2006, s. 318
(? – 1203/04) – Şirvanşah [1198/99 – 1203/04], III Mənuçöhrün oğlu. Yazılı mənbələrdə haqqında məlumat yoxdur. Oğlu Şirvanşah I Gerşasb və nəvələrinin sikkələrində, habelə Mərdəkandakı dairəvi qüllənin kitabəsində adı çəkilir.
Əd.: ASE, IX cild, Bakı, 1986, s. 538
(?-?) – Şirvanşah [1260 – 1282/83], II Axsitanın oğlu, Kəsranilər sülaləsindən idi. 13 əsrin ikinci yarısından Şirvanşahların sikkəsi ya kəsilməmiş, ya da hələ aşkar edilməmişdir. II Axsitandan sonra gələn Şirvanşahlar haqqında yalnız epiqrafik mənbələrdən xəbər ala bilirik. Ola bilsin ki, Fərruxzad yaxşı müdafiə olunan Bakı qalasında yaşamışdır.
Əd.: S. Aşurbəyli “Şirvanşahlar dövləti” ,Bakı, “Avrasiya Press”, 2006, s.188-190
(28.1.1972, Şamaxı r-nunun Muğanlı k.) – Azərbaycan musiqiçisi, balaban ifaçısı, Azərbaycan Respublikasının əməkdar artisti (2011). İlk ustadı atası Nizam Ağasəf oğlu olmuşdur. 1990 illərdən etibarən el məclisləri ilə yanaşı, dövlət tədbirlərində də iştirak edir. 1993 ildən Şamaxı şəhər mədəniyyət evində müxtəlif vəzifələrdə, 2004 ildən isə “Gülüstan” xalq çalğı alətləri ansamblında dirijor kimi çalışmışdır. 1993-2007 illərdə İran, Türkiyə, Mərakeş, Rumıniya, Norveç, Fransa və ABŞ-da keçirilən konsert və beynəlxalq festivallarda Azərbaycanı şərəflə təmsil etmişdir.
Məlumat Azərbaycan Aşıqlar Birliyinin Şirvan bölməsindən alınmışdır.
Fətullah Əbdüləziz İbrahim əş-Şəbərani əş-Şamaxi əş-Şirvani; bəzi mənbələrdə adının əvvəlinə “Mövlana” və “Mömin” sözləri əlavə edilir, (1417, Şamaxı – 1486, Şamaxı) – Azərbaycan ensiklopedik alimi, filosof, musiqişünas.
(? – ?) – 12 əsr dövlət xadimi, diplomat. Şirvan şahlarından III Mənuçöhr və I Axsitanın vəziri olmuşdur. Mövlanə Şərafəddin onun haqqında bir qəsidə yazmışdır.
Əd.: E. Mehralıyev “Şirvan Elmlər Akademiyası”, Bakı, “Çaşıoğlu”, 2000, s. 68
Əsl adı və familiyası Әbdülbaqi Yusif oğlu Yusifzadə, (1901, Şamaxı – 10.1.1956, Bakı) – Azərbaycan şairi. “İrmaqlar”, “Həyatdan səslər” (hər ikisi 1930), “Boy atan diyar” (1932), “Qaçay” (1933) şeir toplularının müəllifidir.
(15.3.1897, Şamaxı – 5.12.1988, Bakı ) – Azərbaycan aktyoru. Azərbaycan SSR xalq artisti (1940). 1910-12 illərdə Bakıda H.Әrəblinskinin rəhbərlik etdiyi həvəskar dram dərnəyində, sonralar “Nicat” və “Səfa” cəmiyyətlərinin, Z. və Ü.Hacıbəyov qardaşlarının teatr truppalarında çıxış etmiş, burada Sadıq xan (“Ağa Məhəmməd şah Qacar”, Ә. B. Haqverdiyev), şah Təhmas (“Nadir şah”, N. Nərimanov), Rza bəy, Soltan bəy, Nofəl (“O olmasın, bu olsun”, “Arşın mal alan”, “Leyli və Məcnun”, Ü.Hacıbəyov) və s. rolları oynamışdır. 1921-33 illərdə Bakı Azad Tənqid-Təbliğ Teatrının (sonralar Bakı Türk İşçi Teatrı) və bir müddət Azərbaycan Dram Teatrının aktyoru olmuş, bir sıra yadda qalan səhnə obrazları yaratmışdır:
(29.6.1967, Bakı) – Azərbaycan psixiatrı, tibb elmləri doktoru (2007), professor (2012). Azərbaycan Tibb Universitetini bitirmişdir. Səhiyyə Nazirliyinin baş psixiatrı, psixi sağlamlıq üzrə milli koordinatoru və ATU-nun psixiatriya kafedrasının müdiri vəzifəsində çalışır (2007 ildən). 60-dan çox elmi əsərin, 1 tədris vəsaitinin, 2 tədris-metodik tövsiyənin, 3 metodik tövsiyənin, 4 tətbiq edilmə aktının və 1 səmərələşdirici təklifin müəllifidir.
(1975, Şamaxı r-nunun Qaleybuğurd k.) – iqtisadçı, iqtisad üzrə fəlsəfə doktoru (2012), dosent (2014). Azərbaycan Kooperasiya Universitetini bitirmişdir. 2001 ildən həmin universitetdə çalışır. Beynəlxalq və respublika səviyyəli elmi-praktik konfranslarda çıxış etmişdir. 20-dən çox elmi məqalə və tədris proqramının müəllifidir.
Məlumat V.Gərayevdən alınmışdır.
