(? – ?) – 19 əsr Azərbaycan rəssamı və nəqqaşı. Həmçinin şair kimi də tanınmışdır. 19 əsrin ikinci yarısında Şamaxıda yaşamışdır.

(19 əsr, Cavad k. – 1914 ildən sonra, Şamaxı) – xanəndə. 19 əsrdə yaşayıb-yaratmış ilk azərbaycanlı peşəkar xanəndə qadın. O dövrdə qadınların çadrasız məclislərdə görünməsi yasaq olduğuna görə kişi paltarında çıxış etmişdir. 1890 illərdən Şamaxıda xanəndəlik etmiş, xanəndə Mirzə Məhəmmədhəsənin yaradıcılığından bəhrələnmiş, Şamaxı musiqi məclislərində iştirak etmişdir.

(1851, Şamaxı – 1917, Şamaxı) – xanəndə, şair. Onun formalaşmasına Mahmud ağanın sarayında təşkil olunan muğam məclislərinin (bax: Şamaxı Muğam məclisləri) böyük təsiri olmuşdur. Onun ilk muğam müəllimi Kərbəlayı Əkbər Mahmud ağanın sarayında xanəndə idi. Gənc Məhəmmədhəsən dini mərasimlərdə iştirak etmiş, Kərbəlayı Əkbərdən muğam və təsnifləri dərindən öyrənmişdir. Onun istedadını dəyərləndirən Mahmud ağa onu öz sarayına dəvət etmişdir. O, burada püxtələşərək, dövrünün mahir xanəndələrindən biri kimi tanınmış, hətta muğam məclislərində Hacı Hüsü, Əbdülbaqi Zülalov kimi ustad xanəndələrlə yarışa girmişdi; muğamatı və poeziyanı dərindən bildiyinə və özü də şeirlər yazdığına görə onu “Mirzə” çağırırdılar.

(27.11.1986, Şamaxı r-nunun Şıxzərli k.) – xanəndə. A.Zeynallı adına Musiqi Kollecini və Azərbaycan Milli Konservatoriyasını (Z.Nəbizadənin sinfi) bitirmişdir. 2007 ildə Heydər Əliyev Fondunun dəstəyi ilə keçirilən “Muğam müsabiqəsi”ndə iştirak etmiş və ikinci yeri tutmuşdur.

Dünyanın bir çox ölkəsində yayılmış qədim sәnәt növü. Misgərlik müәyyәn ictimai-iqtisadi əlaqələr, xalqın tәsәrrüfat һәyatı, onun vәziyyәti və məişət xüsusiyyətilə əlaqədar yaranmışdır. 20 əsrin 50-60-cı illərində Kiçik Asiyanın cənub-qərbində arxeoloji qazıntılar zamanı e.ə. 6-5 minilliklərə aid mis əridilməsinin izləri aşkar edilmişdir. Mis və onun əridilməsi maddi mədəniyyәtin inkişafında böyük rol oynamışdır.

Azərbaycan Respublikasının Şamaxı şəhərindən 15 km cənubda erkən orta əsrlərə aid yaşayış yeri. Möhrətəpədə çiy kərpicdən dairəvi formada tikilmiş bürcün qalığı dövrümüzədək qalmışdır.

(1830, Şamaxı ş. – 1892, Şamaxı) – şair. Ruhani ailəsində doğulmuş, ərəb, fars dillərini bilmişdir. Bir müddət mollalıq etmiş, sonra ticarətlə məşğul olmuşdur. Klassik üslubda əsərlər yazmışdır. M.Füzulinin “Olmaz” rədifli qəzəlinə nəzirə yazanlar arasında birincilik qazanmışdır.

(1845, Şamaxı ş. – 1910, Cavad k.) – şair. Mədrəsə, mollaxana təhsili alsa da ruhani olmamışdır. Ticarət, daha sonra isə xəttatlıq və məktəbdarlıqla məşğul idi və “Beyt üs-səfa” ədəbi məclisinin ən fəal üzvlərindən olmuşdur. Fars və Azərbaycan dillərində qəzəl, rübai, qəsidə, həmçinin, Füzuli və Seyid Əzim qəzəllərinə nəzirələr yazmışdır.

(? – ?) – şair. Şirvanda xanlıq dövrünün Şirvani təxəllüslü şairlərindəndir. F.B.Köçərlinin yazdığına görə, Mirzə Nəsrullah Bahar, Əndəlib Kaşani, Seyyid Şirvani və digərləri ilə Şamaxıdakı məşhur Hacı İbrahim bəy bağında məclis qurar və yaradıcılıq müzakirələrilə məşğul olarmış.

Rusiyada dini təriqətlərdən biri. 18 əsrin sonunda Tambov quberniyasında tәşәkkül tapmış, sonralar ölkənin bir sıra rayonlarında yayılmışdır. Təriqətin banisi Semyon Uklein һesab olunur. Molokanlar öz dinlərini “süd kimi pak sözlər” (“çistoe moloko slovesnoe”) adlandırırlar. Təriqətin adı da buradan götürülmüşdür.