(31.12.1903, Bakı – 1986, Bakı) – Azərbaycan kinorejissoru, aktyor, ssenari müəllifi. Azərbaycanın əməkdar artisti (1943), Azərbaycanın əməkdar incəsənət xadimi (1959). Azərbaycan kinosunun ilk rejissorlarındandır. 1924 ildə fəaliyyətə başlamış, çoxlu sayda sənədli – xronika filmləri çəkmişdir.
(21.10.1969, Şamaxı r-nunun Göylər k. – 30.3.1992, Daşaltıda həlak olmuşdur) – Qarabağ müharibəsi şəhidi.
(5.1.1930, Şamaxı r-nunun, Göylər k. – 18.9.2014, Bakı) – Azərbaycan filosofu, fəlsəfə elmləri doktoru, professor, əməkdar müəllim (2005). Azərbaycan Dövlət Universitetini bitirmişdir. Azərbaycan Politexnik İnstitutunda, Memarlıq və İnşaat Universitetində çalışmışdır.
(11.7.1957, Şamaxı r-nunun Ovçulu k.) – fəlsəfə üzrə fəlsəfə doktoru (2000). Azərbaycan Pedaqoji Xarici Dillər İnstitutunu bitirmişdir. Bağırlı kənd orta məktəbində, Azərbaycan Müəllimlər İnstitutu Şamaxı filialında çalışmışdır.
(18.6.1962, Bakı) – Azərbaycan filoloqu, filologiya elmləri doktoru (2010), professor. Azərbaycan Dövlət Universitetinin filologiya fakültəsini bitirmişdir (1984). Azərbaycan Respublikası Milli Elmlər Akademiyasının Milli Münasibətlər İnstitutunda baş laborant, elmi işçi vəzifələrində çalışmışdır.
(1.1.1960, Bakı) – memarlıq üzrə fəlsəfə doktoru (1987), dosent (2000). Azərbaycan İnşaat-Mühəndisləri İnstitutunu bitirmişdir. Azərbaycan MEA-nın Memarlıq və İncəsənət İnstitutunda elmi işçi (1985-93), Azərbaycan Memarlıq və İnşaat Universitetinin landşaft memarlığı kafedrasında baş müəllim (1993-2000) vəzifəsində çalışmışdır.
(1988, Şamaxı ş.) – xanəndə. Asəf Zeynallı adına Musiqi Kollecini (Zabit Nəbizadənin sinfini) bitirmişdir. 2011 ildə Heydər Əliyev Fondunun muğam sənətinin qorunub saxlanılması, zəngin tarixə malik ifaçılıq sənətinin gələcək nəsillərə çatdırılması, yeni ifaçılar nəslinin yetişdirilməsi məqsədi ilə keçirdiyi Televiziya Muğam Müsabiqəsinin və 2013 ildə “Muğam Aləmi” 3-cü Beynəlxalq Muğam Festivalının Qalibi olmuşdur.
Şamaxı r-nu Mirikənd kənd i.ə.d.-nin mərkəzi. Ləngəbiz silsiləsinin Şm.-ş ətəyindədir. Əhalisi 799 nəfərdir (2009), 170 təsərrüfatı var.
19 əsrə aid bir mənbədə Bakı quberniyasının Şamaxı qəz. Qoşun sahəsinin Meysəri kənd icmasına daxil olan Mirikənd kəndinin adı (35 ailə. 206 nəfər əhali) qeydə alınmışdır.
(11.8.1897, Şamaxı – 5.3.1957, Bakı) – Azərbaycan patafizioloqu. Tibb e.d. (1939), prof. (1940). Azərbaycanın əməkdar həkimi (1940) və əməkdar elm xadimi (1943). Tədqiqatı əsasən müxtəlif xəstəliklərin (zülal çatışmazlığı, qan xəstəlikləri və s.) patogenezinin öyrənilməsinə həsr edilmişdir.
Mirzə Ağa ibn Ağa İbrahim ibn Hacı Ağababa Şəmaxi (1800, Firdağ ş.) – təbib, şair, filosof. İlahiyyatı babasından və atasından, təbabəti isə İran alimlərindən öyrənmiş, mütaliə sayəsində bu qabiliyyətlərini daha da təkmilləşdirmişdir.
