(1956, Şamaxı ş.) – idmançı. Güləş üzrə 2 dəfə Azərbaycan, dəfələrlə “Məhsul” cəmiyyətinin, cəmiyyətlər arasında SSRİ çempionu olmuşdur. ABŞ-da keçirilən beynəlxalq turnirin qalibidir. Azərbaycan Respublikasının bədən tərbiyəsi və idman əlaçısıdır.
(4.4.1957, Şamaxı ş.) – idmançı, məşqçi, baş müəllim, poverliftinq üzrə idman ustası. Azərbaycan Dövlət Bədən Tərbiyəsi İnstitutunu bitirmişdir. 1981 ildən fiziki tərbiyə müəllimi işləyir. Çalışdığı dövr ərzində ağır atletika və poverliftinq üzrə idman ustaları, Dünya, Avropa və Azərbaycan çempionları, rekordçuları yetişdirmişdir.
(1911, Şamaxı ş. – 1988, Bakı) – baytarlıq elmləri doktoru, professor. İrəvan Baytarlıq İnstitutunu bitirmişdir. Böyük Vətən Müharibəsinin iştirakçısıdır. Azərbaycan Kənd Təsərrüfatı İnstitutunun kafedra müdiri, dekanı və rektoru (1954-62) vəzifələrində çalışmışdır.
(31.8.1969, Bakı) – tarixçi, tarix üzrə fəlsəfə doktoru (1997). Azərbaycan Dövlət Univeristetini bitirmişdir. 1990 ildən Azərbaycan Dövlət Pedaqoji Universitetində çalışır. 2008 ildən ümumi tarix kafedrasının dosentidir. Əsas tədqiqatı qız qalalarının tarixi ilə bağlıdır. 69 elmi əsərin müəllifidir.
Məlumat A.Mehdiyevadan alınmışdır.
(1.1.1937 – Şamaxı r-nunun, Göylər k.) – Azərbaycan tarixçisi, tarix elmləri doktoru (1991), professor (1994). 1960 ildə Bakı Dövlət Universitetinin tarix fakültəsini bitirmişdir. 1994 ildən BDU-nun Türk və Qafqaz xalqları, 2012 ildən isə Türk xalqları tarixi kafedrasının professorudur.
(9.6.1960, Türkiyənin Kayseri vilayətinin Hacılar qəs.) – alim, tədqiqatçı. Filologiya üzrə fəlsəfə doktoru (2005), professor (2013). Ərzurum Atatürk Universitetini bakalavr pilləsi, Səlcuq Universiteti Sosial Elmlər İnstitutunun ilahiyyat fakültəsini magistr pilləsi üzrə bitirmişdir. 1997 ildən Qafqaz Universitetində (Bakı) çalışır.
(1930, Ağsu r-nunun Bico k. – 2011, Bakı) – Azərbaycan coğrafiyaçısı, coğrafiya elmləri doktoru (1991), professor. Azərbaycan Dövlət Pedaqoji İnstitutunu bitirmişdir. Azərbaycan EA-nın Coğrafiya İnstitutunda kiçik elmi işçi, İqtisadiyyat İnstitutunda kiçik və böyük elmi işçi, S.Dadaşov adına Tikinti Materialları Elmi-Tədqiqat İnstitutunda iqtisadi tədqiqatlar şöbəsinin müdiri, Neft Akademiyasında və İqtisadiyyat İnstitutunda dosent vəzifəsində işləmişdir.
Şamaxı r-nunda göl. Güman etmək olar ki, hidronim Meylikliçala sözünün təhrif olunmuş variantıdır. Azərbaycan dilinin dialektlərində meylik/möylük “tənəklik, üzümlük” deməkdir. Yəqin ki, göl tənəkliyin yaxınlığında olduğu üçün belə adlandırılmışdır.
ŞŞamaxı r-nu Meysəri kənd i.ə.d.-nin mərkəzi. Zoğalava çayının sahilində, dağlıq ərazidədir. Əhalisi 690 nəfərdir (2009), 162 təsərrüfatı var. 19 əsrdə Meysəri adlı kənd (87 ailə, 495 nəfər) qeydə alınmışdır. Kənd 15 əsrdə səfəvilərin ordu hissələrindən birinin adı ilə adlandırılmışdır.
Şamaxı r-nu Mədrəsə qəsəbəsi i.ə.d.-də qəsəbə. Rayon mərkəzindən 7 km cənub-qərbdə, Ləngəbiz silsiləsinin ətəyindədir. Əhalinin sayı 2115 (2009) nəfərdir. Tam orta məktəb, klub, kitabxana və tibb məntəqəsi var. 19 əsrdə Şamaxı qəzasının Qoşun sahəsində Mədrəsə kəndi (483 ailə, 2774 nəfər) qeydə alınmışdır.
