QӘDİROV Әbdülqədir Dərgah oğlu
(1896, Şamaxı r-nunun Göylər k.-25.9.1967, orada) – Sosialist Әməyi Qəhrəmanı (1948). 1947 ildə taxılçılıq sahəsində yüksək əmək göstəricilərinə nail olmuşdur. Ömrünün axırına qədər kolxozçu olmuşdur.
TEYMUROV Nağı İslam oğlu
(1.1930 – Şamaxı r-nunun Padar k.) – SSRİ Dövlət mükafatı laureatı (1984). 1954-72 illərdə Şamaxı r-nunun Sabir adına kolxozunda çoban, V.İ.Lenin adına sovxozda fəhlə və briqadir olmuşdur. Üzümçülük sahəsində yüksək əmək göstəricilərinə nail olmuşdur. 3 dərəcəli Əmək Şöhrəti ordeni ilə təltif edilmişdir.
Əd.: ASE, X cild, Bakı, 1987, s.601.
VEYSOV Oqtay Məmməd oğlu
(1926, Moskva ş. – 1969, İran) – gəmiçi, uzaq səfərlər kapitanı. Bakı Dənizçilik Məktəbini bitirmişdir. Xəzər Dəniz Gəmiçiliyi İdarəsində “Moskva”, “Azərbaycanlı”, “Dağıstan”, “Özbəkistan” və “Türkmənistan” gəmilərində kapitan köməkçisi işləmişdir. Sonralar isə “Türkmənistan”, “Pioner”, “Nebit-Dağ” gəmilərində kapitan olmuşdur.